ەرتىس جايىلماسىندا اعاشتى زاڭسىز كەسكەندەر ۇستالدى

پاۆلودار. KAZINFORM - اقسۋ قالاسىنىڭ 5 تۇرعىنى ەرتىس وزەنىنىڭ جايىلماسىندا زاڭسىز اعاش كەسۋمەن اينالىسقان.

ەرتىس وزەنى جايىلماسىنداعى ورمان- توعايدان اعاش كەسۋگە تىيىم سالىنعانىنا قاراماستان، زاڭدى بەلدەن باسۋ دەرەكتەرى تىيىلماي تۇر. ءتارتىپ ساقشىلارى اقسۋ قالاسىنىڭ 5 تۇرعىنىن قىلمىس ۇستىندە ۇستادى. ولار جايىلماداعى ساۋ اعاشتاردى وتاپ، كولىككە تيەپ اكەتپەك بولعان.

- اعاشتار مەن بۇتالاردى زاڭسىز كەسۋ، جويۋ نەمەسە ءبۇلدىرۋ دەرەگى بويىنشا قىلمىستىق ءىس قوزعالدى. ءتيىستى ساراپتامالار تاعايىندالدى. بۇل ارەكەتتەرى ارقىلى ازاماتتار قورشاعان ورتانى جانە ورمان رەسۋرستارىن قورعاۋ سالاسىنداعى زاڭنامانى بۇزىپ وتىر. مۇنداي زاڭسىزدىقتار ءوڭىردىڭ ەكوجۇيەسىنە ەلەۋلى زيان كەلتىرەدى، - دەپ حابارلادى پاۆلودار وبلىسى پوليتسيا دەپارتامەنتىنەن..

ءتارتىپ ساقشىلارى بولعان وقيعانىڭ بارلىق ءمان- جايلارىن انىقتاۋ، سونداي-اق زاڭسىز قىزمەتتىڭ وزگە دە ىقتيمال قاتىسۋشىلارى مەن ۇيىمداستىرۋشىلارىنىڭ جولىن كەسۋ جونىندەگى جۇمىستى جالعاستىرۋدا.

ەسكە سالا كەتەيىك، ەرتىس ورماندارىندا جاڭا قۇس تۇرلەرى انىقتالدى.

اۆتور

مۇرات اياعان