ەرتىس-بايان وڭىرىندە كيىك سانى 5 ەسە كوبەيگەن

پاۆلودار. KAZINFORM - قازىرگى كۇنى پاۆلودار وبلىسىنىڭ اۋماعىن مەكەندەيتىن اقبوكەندەردىڭ سانى شامامەن 20-25 مىڭداي بار. ءتۇز تاعىسى كوبىنە ماي، باياناۋىل اۋداندارىنىڭ جازىعىن توڭىرەكتەيدى.

وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى رۋسلان تولەپبايەۆتىڭ ايتۋىنشا، سوڭعى جىلدارى وڭىردەگى اقبوكەندەردىڭ سانى ايتارلىقتاي ارتقان.

«2020-جىلمەن سالىستىرعاندا قازىرگى كۇنى وبلىستاعى كيىك سانى 5 ەسەگە جۋىق كوبەيگەن. شامامەن 20-25 مىڭداي دالا جانۋارىن سانادىق. كيىكتەردى قورعاۋ ماقساتىندا 15-ءساۋىر – 15-مامىر ارالىعىندا «اقبوكەن» ناۋقانى وتكىزىلىپ جاتىر. ول تابيعات قورعاۋ زاڭنامالارىن بۇزۋشىلاردى جانە زاڭسىز اڭشىلىقپەن اينالىسۋشىلاردى انىقتاۋعا باعىتتالعان»، - دەيدى باس ينسپەكتور.

ەسكە سالا كەتەيىك بيىلعى اقپان ايىنان ەلىمىزدە كيىكتەردى اتۋعا قايتادان تىيىم سالىنعان.

قىزىل كىتاپقا ەنەتىن جانۋاردىڭ تەكەسىن اتقاندار 1,8 ميلليون تەڭگە، ۇرعاشىسىن ولتىرگەندەر 1,3 ميلليون تەڭگە ايىپپۇل تولەيدى.