ەرتەڭ استانادا بوتانيكالىق باق اۋماعىندا وتشاشۋ بولادى

استانا. KAZINFORM - ەلوردا كۇنى مەن ش ى ۇ سامميتىن وتكىزۋ قارساڭىندا، ياعني 3-شىلدەدە بوتانيكالىق باقتا ساليۋت ىسكە قوسىلادى. وتشاشۋ شاشىلاتىن بولجامدى ۋاقىت - 22:00 دەن 22:30 عا دەيىن. بۇل جايىندا قالا اكىمدىگىنەن حابارلاندى.

تەحنيكالىق دايىندىق ماقساتىندا 3-شىلدە ساعات 19:00 دەن باستاپ بوتانيكالىق باق اۋماعى ءىشىنارا جابىلادى.

بۇل قورشاۋ ازاماتتاردىڭ قاۋىپسىزدىگى ءۇشىن قاجەت.

وتشاشۋدى ىرگەلەس اۋماقتاردان، سونىڭ ىشىندە «ۇلىتاۋ» سكۆەرىنەن تاماشالاۋعا بولادى.

ەستەرىڭىزگە سالا كەتەيىك، 6-شىلدە كۇنى ساعات 18:00 دە ەكسپو اۋماعىندا Open Air مەرەكەلىك كونسەرتى وتەدى.

كونسەرت اياقتالعاننان كەيىن درونداردىڭ جارىق شوۋىن وتكىزۋ جوسپارلانىپ وتىر.

دروندار شوۋىنىڭ شامامەن وتەتىن ۋاقىتى - ساعات 22:15 (22:30).