16:15, 17 - جەلتوقسان 2024 | GMT +5
ەرتەڭ استاناعا گۆينەيا-بيساۋ پرەزيدەنتى ۋمارۋ سيسوكۋ ەمبالو رەسمي ساپارمەن كەلەدى
استانا. قازاقپارات – 18-جەلتوقسان كۇنى مەملەكەت باسشىسى قاسىم-جومارت توقايەۆتىڭ شاقىرۋىمەن گۆينەيا-بيساۋ پرەزيدەنتى ۋمارۋ سيسوكۋ ەمبالو استاناعا رەسمي ساپارمەن كەلەدى.
- جوعارى دەڭگەيدە وتەتىن كەلىسسوزدەر بارىسىندا قازاقستان مەن گۆينەيا-بيساۋ اراسىنداعى ساياسي، ساۋدا-ەكونوميكالىق، مادەني-گۋمانيتارلىق سالالارداعى ىنتىماقتاستىق پەرسپەكتيۆاسى تالقىلانادى، - دەپ جازدى اقوردانىڭ رەسمي سايتى.
ايتا كەتەيىك، بۇعان دەيىن ءبىرقاتار مەملەكەتتەردىڭ باسشىلارى قازاقستان پرەزيدەنتىن تاۋەلسىزدىك كۇنىمەن قۇتتىقتاعان بولاتىن.
