رەسەيدىڭ تۇمەن وبلىسىنداعى ەسىل وزەنىندە سۋ دەڭگەيى قاۋىپتى قۇبىلىس بەلگىسىنە جەتتى

استانا. KAZINFORM - رەسەيدىڭ تۇمەن وبلىسىنداعى يلينكا اۋىلى ماڭىنداعى ەسىل وزەنىندەگى سۋ دەڭگەيى ءقاۋىپتى قۇبىلىس بولاتىن كورسەتكىشتەن جوعارى بولىپ شىقتى.

ول 808 س م گە جەتتى. بۇل تۋرالى ايماق باسشىلىعىنىڭ Telegram-كانالىنان حابارلادى، دەپ جازدى ت ا س س اقپارات اگەنتتىگى.

«قازان اۋدانىنا قاراستى يلينكا اۋىلى ماڭىنداعى ەسىل وزەنىندەگى سۋ دەڭگەيى بۇگىن، 16-ساۋىردە «سۋ تاسقىنى» قاۋىپتى قۇبىلىسىنىڭ (ق ق) كريتەريىنە جەتتى. سۋ دەڭگەيى ماسكەۋ ۋاقىتىمەن ساعات 08:00 دە 808 س م- دەن جوعارى (ق ق دەڭگەيى - 800 س م) بولدى»، - دەلىنگەن حابارلامادا.

سۋى تومەن كوپىرلەردى، اۋىل شارۋاشىلىعى جەرلەرىن سۋ باسىپ، ەلدى مەكەندەر اراسىنداعى جول قاتىناسىنىڭ بۇزىلاتىنى شامالانىپ وتىر.

بۇعان دەيىن تۇمەن وبلىسىنىڭ باسشىسى الەكساندر مۋر وڭىردە ەسىل وزەنىندەگى سۋ تاسقىنى بولجامى ايتارلىقتاي ناشارلاعانىن، سۋ باسقان ۇيلەردىڭ سانى قايتا قارالاتىنىن حابارلادى.

ەكى-ءۇش كۇننەن كەيىن وبلىستىڭ ءبىرىنشى ەلدى مەكەندەرىنە سۋدىڭ مول كولەمى كەلۋى بولجانىپ وتىر.