12:06, 09 - ناۋرىز 2024 | GMT +6
رەسەيدە تەراكت جاساۋ ارەكەتى كەزىندە قازاقستاننىڭ ەكى ازاماتى مەرت بولدى
استانا. KAZINFORM - رەسەيدە تەراكت جاساۋ ارەكەتى كەزىندە قازاقستاننىڭ ەكى ازاماتى مەرت بولدى. بۇل اقپاراتتى ۇلتتىق قاۋىپسىزدىك كوميتەتى راستادى.
«ب ا ق-تا رەسەي فەدەراتسياسىندا قازاقستاننىڭ ەكى ازاماتىنىڭ تەررورلىق اكتى جاساۋدى ۇيىمداستىرۋعا ارەكەتى كەزىندە رەسەيدىڭ كۇشتىك قۇرىلىمدارىمەن كوزى جويىلعانى تۋرالى اقپارات جاريالاندى. بۇل ادامداردىڭ قازاقستاندىق ازاماتتىعى جانە رەسەيگە بارعانى راستالادى»، - دەلىنگەن كوميتەت تاراتقان اقپاراتتا.
اتالعان فاكتى بويىنشا ۇ ق ك سوتقا دەيىنگى تەرگەپ-تەكسەرۋ جۇرگىزۋدە. تەكسەرىس ىنتىماقتاستىق ارناسى اياسىندا رەسەي ف ق ق-مەن تىعىز بايلانىستا جۇزەگە اسىرىلۋدا.
وزگە اقپارات قىلمىستىق-پروتسەستىك كودەكستىڭ 201-بابى 1-بولىگىنە سايكەس جاريا ەتۋگە جاتپايدى.
اۆتور
مارلان جيەمباي
