رەسەيدە اتتراكسيوننان ءۇش بالا قۇلاپ كەتتى

ماسكەۋ. KAZINFORM - كراسنودار ولكەسىندە ەيسك قالاسىنداعى پوددۋبنىي مادەنيەت جانە دەمالىس ساياباعىندا اتتراكسيونعا مىنگەن ءۇش بالا زارداپ شەكتى، دەپ حابارلايدى ت ا س س اگەنتتىگى.

«ەيسك اۋدانارالىق پروكۋراتۋراسى 5-مامىردا ەيسك قالاسىنداعى پوددۋبنىي اتىنداعى مادەنيەت جانە دەمالىس ساياباعىندا «لاۆيتسا» اتتراكسيونىنىڭ جۇمىسى كەزىندە ورىن العان وقيعاعا بايلانىستى تەرگەۋ ۇيىمداستىردى، ونىڭ سالدارىنان ءۇش بالا زارداپ شەكتى»، - دەلىنگەن حابارلامادا.

قاداعالاۋ ءىس-شارالارىن جۇرگىزۋ كەزىندە اتتراكسيون يەسىنىڭ، سونداي-اق اتتراكسيوندىق جابدىقتىڭ جۇمىسىن باقىلاۋعا ۋاكىلەتتى مەملەكەتتىك ورگانداردىڭ لاۋازىمدى تۇلعالارىنىڭ ارەكەتتەرىنىڭ زاڭدىلىعىنا باعا بەرىلەدى، دەپ قوستى باسپا ءسوز قىزمەتى.

بۇعان دەيىن الەۋمەتتىك جەلىلەردە بالانىڭ ەيسك ساياباعىندا اتپەن ءجۇرىپ كەلە جاتىپ، كولىكتەن قۇلاپ، اۋرۋحاناعا جەتكىزىلگەنى تۋرالى اقپارات پايدا بولعان. سونداي-اق ەكى قىز جاراقات الدى.

اۆتور
اسحات رايقۇل