رەسەيدە 9 ۆاگون رەلستەن شىعىپ، 70 جولاۋشى جاراقات الدى
ماسكەۋ. KAZINFORM - رەسەيدىڭ كومي وڭىرىندە ۆوركۋتادان نوۆوروسسيسك قالاسىنا بارا جاتقان جولاۋشىلار پويىزىنىڭ 9 ۆاگونى رەلستەن شىعىپ كەتتى، دەپ حابارلادى ت ا س س.
№ 511 پويىزدىڭ ۆاگوندارى ماسكەۋ ۋاقىتىمەن ساعات 18:12 كەزىندە ينتا-1 مەن ۋگولنىي سيەۆەرنىي تەمىرجول ارالىعىندا جولدان شىقتى.
تەرگەۋ كوميتەتىنىڭ اقپاراتى بويىنشا ادام شىعىنى جوق. قۇقىق قورعاۋ ورگاندارى 70 ادام زارداپ شەككەنىن حابارلادى. 10 ادامنىڭ جاعدايى اۋىر.
وقيعا ورنىندا جەدەل قىزمەتتەر جۇمىس ىستەپ جاتىر، ولار جولاۋشىلارعا كومەك كورسەتىپ، كوشىرۋگە كىرىسكەن.
اپات ورنىنا سونداي- اق كومي باسشىسى ۆلاديمير ۋيبا ۇشىپ شىقتى.
پويىزداردىڭ قوزعالىسى توقتاتىلدى.
سوت رەسەي فەدەراتسياسى قىلمىستىق كودەكسىنىڭ 263-بابىنىڭ 1-بولىمىندە كوزدەلگەن قىلمىس بەلگىلەرى بويىنشا ءىس قوزعادى.
پويىز اپاتىنىڭ سەبەبى - نوسەر جاۋىننان كەيىنگى تاسقىن.
رەلستەن شىقپاي امان قالعان ۆاگونداردىڭ جولاۋشىلارىن باسقا پويىزعا تىركەيدى، ولار نوۆوروسسييسك قالاسىنا دەيىن ساپارىن جالعاستىرادى.
