رەسەي تاراپىنا تالاپتارىمىزدى اشىق ايتتىق - يلحام اليەۆ

استانا. KAZINFORM - ءبىز رەسەي تاراپىنا ءوز تالاپتارىمىزدى اشىق ايتتىق. بۇل تۋرالى ازەربايجان پرەزيدەنتى يلحام اليەۆ ازەربايجان تەلەارناسىنا بەرگەن سۇحباتىندا ءمالىم ەتتى. Kazinform بۇل تۋرالى Azertag.az اگەنتتىگىنە سىلتەمە جاساپ حابارلايدى.

يلحام اليەۆتىڭ ايتۋىنشا، 27-جەلتوقساندا اتالعان تالاپتار رەسمي تۇردە رەسەي تاراپىنا جەتكىزىلدى.

- قانداي تالاپتار قويىلدى؟ بىرىنشىدەن، رەسەي تاراپى ازەربايجاننان كەشىرىم سۇراۋى كەرەك. ەكىنشىدەن، ءوز كىناسىن مويىنداۋ كەرەك. ۇشىنشىدەن، كىنالىلەر جازالانۋى، قىلمىستىق جاۋاپكەرشىلىككە تارتىلۋى جانە ازەربايجان مەملەكەتىنە، زارداپ شەككەن جولاۋشىلار مەن ەكيپاج مۇشەلەرىنە وتەماقى تولەنۋى كەرەك. بۇل - ءبىزدىڭ شارتىمىز. ونىڭ ءبىرىنشىسى كەشە ورىندالدى. ءبىزدىڭ باسقا شارتىمىز دا قابىلدانادى دەپ ۇمىتتەمىن. بۇل شارتتاردىڭ بارلىعى ءادىل. ەشقانداي توتەنشە تالاپتار نەمەسە ارتىق سۇراقتار جوق، بۇل حالىقارالىق تاجىريبە مەن ادامنىڭ قالىپتى مىنەز - قۇلىق پرينتسيپتەرىنە نەگىزدەلگەن، - دەدى يلحام اليەۆ سۇحبات بارىسىندا.

بۇعان دەيىن ازەربايجان پرەزيدەنتى قازاق حالقىنا العىس ايتىپ، ەكى ەل اراسىنداعى دوستىق پەن باۋىرلاستىق اۋىر سىناقتان كەيىن كۇشەيە تۇسكەنىن جەتكىزدى.

سونداي- اق، پۋتين مەن اليەۆ اقتاۋ ماڭىندا قۇلاعان ۇشاققا قاتىستى تالقىلاۋدى جالعاستىردى.