رەسەي، نيگەريا، تۇركيا: قازاقستان مال تەرىسىن قاي ەلدەرگە ەكسپورتتاپ وتىر

استانا. KAZINFORM - اۋىل شارۋاشىلىعى مينيسترلىگى Kazinform ساۋالىنا جولداعان جاۋاپتا قازاقستاننان مال تەرىسى قاي ەلدەرگە ەكسپورتتالاتىنىن ءمالىم ەتتى.

- 2023 -جىلدىڭ قورىتىندىسى بويىنشا 2 ميلليون 548,5 مىڭ دانا ءىرى قارا تەرىسى ءوندىرىلدى. ونىڭ %8- ى (208,3 مىڭ دانا) قايتا وڭدەۋگە جىبەرىلسە، %13,7- ى (349,6 مىڭ دانا) رەسەي فەدەراتسياسىنا، تۇركياعا، قىرعىزستانعا، نيگەرياعا ەكسپورتتالدى. ال رەسەيدەن 4,5 مىڭ دانا تەرى يمپورتتالعان. وندىرىلگەن تەرىنىڭ %78- ى (1 ميلليون 997,1 مىڭ داناسى) - وڭدەلمەگەن قالدىق. وسىلايشا ءىرى قارا تەرىسىنىڭ %8- ى عانا وڭدەلەدى، ياعني شيكىزات كولەمى سالانىڭ وڭدەۋ مەن وتكىزۋ مۇمكىندىگىنەن ايتارلىقتاي جوعارى، - دەپ جازادى مينيسترلىكتەگىلەر.

وڭدەۋگە كەتكەن 208 مىڭ دانا تەرىنى ەلدەگى 9 كاسىپورىن ءبولىپ العان دەۋگە بولادى. بۇل كاسىپورىنداردىڭ جوبالىق قۋاتى ەلدە جىل سايىن وندىرىلەتىن تەرىنىڭ كولەمىنەن دە جوعارى. ءبىراق جۇكتەمە دەڭگەيى وتە تومەن.

- رەسپۋبليكادا تەرىنى باستاپقى وڭدەيتىن 9 كاسىپورىن جۇمىس ىستەيدى. وڭدەۋشى كاسىپورىنداردىڭ قۋاتتىلىعى 3,3 ميلليون داناعا دەيىن ءىرى قارا تەرىسىن، 4 ميلليون دانا ۇساق مالدىڭ استام تەرىسىن وڭدەۋگە مۇمكىندىك بەرەدى. 2023 -جىلى جۇكتەلۋ %6,3 بولدى، - دەپ جازىلعان جاۋاپتا.

بۇعان دەيىن ۆەدومستۆوداعىلار ەلدە سيىر تەرىسىنىڭ 84 پايىزى بوسقا قالىپ جاتىر دەگەن مالىمەت تاراتقان ەدى.

اۆتور

ەسىمجان ناقتىباي