رەسەي مەن ا ق ش سيرياداعى جاعدايعا بايلانىستى ب ۇ ۇ قاۋىپسىزدىك كەڭەسىنىڭ شۇعىل كونسۋلتاتسياسىن سۇرادى
استانا. KAZINFORM - رەسەي مەن ا ق ش باتىس سيريا تۇرعىندارىنا قاتىستى زورلىق- زومبىلىققا بايلانىستى ب ۇ ۇ قاۋىپسىزدىك كەڭەسىنىڭ جابىق كونسۋلتاتسياسىن سۇرادى، دەپ حابارلادى رەسەيدىڭ ب ۇ ۇ- داعى تۇراقتى وكىلىنىڭ ءبىرىنشى ورىنباسارى دميتري پوليانسكي، دەپ جازادى Kazinform.
- رەسەي مەن ا ق ش ب ۇ ۇ قاۋىپسىزدىك كەڭەسىنىڭ شۇعىل جابىق كونسۋلتاتسياسىن باتىس سيرياداعى بەيبىت تۇرعىندارعا قاتىستى زورلىق- زومبىلىققا بايلانىستى سۇرادى، - دەپ جازدى رەسەيدىڭ ب ۇ ۇ- داعى تۇراقتى وكىلىنىڭ ءبىرىنشى ورىنباسارى دميتري پوليانسكي ءوزىنىڭ Telegram ارناسىندا.
سونداي-اق، ول بۇل كونسۋلتاتسيالاردى دانيانىڭ كەڭەس ءتوراعالىعى 10-ناۋرىزدا نيۋ- يورك ۋاقىتىمەن 10:00 دە (استانا ۋاقىتىمەن 20:00) وتكىزەدى دەپ كۇتەتىنىن اتاپ ءوتتى.
بۇعان دەيىن سيريا قاۋىپسىزدىك كۇشتەرى جۇزدەگەن بەيبىت تۇرعىندى ءولتىردى دەپ ايىپتالعان بولاتىن.
قارۋلى توپتاردىڭ مۇشەلەرىن قوسا ەسەپتەگەندەگى جالپى قۇرباندار سانى مىڭعا جۋىق دەپ باعالانىپ وتىر.
