رەسەي 31-تامىزعا دەيىن بەنزين ەكسپورتىنا تىيىم سالدى
استانا. KAZINFORM - رەسەي ۇكىمەتى 2025 -جىلدىڭ 31-تامىزىنا دەيىن مۇناي ونىمدەرىن وندىرۋشىلەر ءۇشىن بەنزين ەكسپورتىن ۋاقىتشا شەكتەۋ تۋرالى شەشىم قابىلدادى. بۇل تۋرالى مينيسترلەر كابينەتىنىڭ Telegram-ارناسىنداعى حابارلامادا ايتىلعان. بۇعان دەيىن شەشىم ءوندىرۋشى ەمەس كومپانيالارعا عانا قاتىستى بولاتىن، دەپ حابارلايدى ت ا س س.
مينيسترلەر كابينەتى رەسەي ۇكىمەتى مۇناي ونىمدەرىن وندىرۋشىلەرگە بەنزين ەكسپورتىنا شەكتەۋدى 2025 -جىلدىڭ 31-تامىزىنا دەيىن ۇزارتقانىن مالىمدەدى. ءتيىستى قاۋلىعا قول قويىلدى.
سونداي-اق مۇنداي شارا سۇرانىس جوعارى ۋاقىتتا جانە اۋىلشارۋاشىلىق دالا جۇمىستارى كەزىندە ىشكى وتىن نارىعىنداعى تۇراقتى جاعدايدى بەكىتۋ ءۇشىن قابىلدانعانىن قوستى.
قاۋلى ماتىنىندە تىيىم سالۋ «(قۇجات) رەسمي جاريالانعان كۇننەن كەيىن ءبىر كۇن وتكەن سوڭ» 29-شىلدەدە كۇشىنە ەنەتىنى جازىلعان.
بۇعان دەيىن ت ا س س اقپارات كوزدەرىنە سىلتەمە جاساپ، ۆەدومستۆولار 1-تامىزدان باستاپ وندىرۋشىلەر ءۇشىن بەنزين ەكسپورتىنا تىيىم سالۋ تۋرالى شەشىم ازىرلەپ جاتقانىن حابارلاعان. ول كەزدە 1-2 ايعا شەكتەۋلەر ەنگىزۋ ارقىلى نۇسقالار قاراستىرىلىپ جاتقان بولاتىن.
بەنزين ەكسپورتىنا شەكتەۋ تامىز ايىنىڭ سوڭىنا دەيىن ءوندىرۋشى ەمەس كومپانيالارعا عانا قاتىستى بولادى.
رەسەي پرەمەر-ءمينيسترىنىڭ ورىنباسارى الەكساندر نوۆاك بۇعان دەيىن ۇكىمەت قاجەت بولعان جاعدايدا بەنزين ەكسپورتىنا، ونىڭ ىشىندە وندىرۋشىلەرگە دە تولىق تىيىم سالۋى مۇمكىن ەكەنىن حابارلاعان. مۇنداي شارانىڭ قاجەتتىلىگىن ءتۇسىنۋ ءۇشىن اگەنتتىكتەرگە جانارماي نارىعىنداعى جاعدايدى باعالاۋ كەرەك بولدى.
