رەسپۋبليكامىزدىڭ تاۋلى اۋداندارىندا كوشكىن قاۋپى تۋرالى ەسكەرتۋ جاسادى
استانا. KAZINFORM - رەسپۋبليكامىزدىڭ تاۋلى اۋداندارى ءارتۇرلى دارەجەدە كوشكىن قاۋپىن توندىرەدى. كوبىنەسە قار كوشكىنى ىلە الاتاۋى جوتاسىنىڭ بەتكەيلەرىندە (الماتى قالاسى) جانە التاي (ش ق و) تاۋلارىندا بايقالادى. بۇل تۋرالى توتەنشە جاعدايلار مينيسترلىگى ءمالىم ەتتى.
قىستىڭ باسى مەن كوكتەمنىڭ باسى قار كوشكىنى بەلسەندى بولاتىن ەڭ قاۋىپتى كەزەڭدەر بولىپ سانالادى.
بيىلعى جىلى جالپى كولەمى شامامەن 1,2 ميلليون. m3 213 قار كوشكىنىنىڭ وزدىگىنەن ءتۇسۋى تىركەلدى. جالپى، قازىرگى ۋاقىتتا قار بيىكتىگى نورما شەگىندە نەمەسە نورمادان اسادى.
- ت ج م تاۋلاردىڭ بەتكەيلەرىندەگى قاردىڭ تۇراقسىز جاعدايىنا بايلانىستى قار كوشكىنىن بولدىرماۋ ءۇشىن تاۋلاردىڭ قار باسقان بەتكەيلەرىنە شىقپاۋدى جانە تاۋلارعا بارۋدان باس تارتۋدى ۇسىنادى، - دەلىنگەن حابارلامادا.
الماتى وبلىسىنىڭ قۇتقارۋشىلارى قار كوشكىنىنە بايلانىستى ەسكەرتۋ جاساعان ەدى
