رەسپۋبليكالىق جولداردا «حالىقتىق باقىلاۋ» جوباسى ىسكە قوسىلادى

استانا. KAZINFORM - رەسپۋبليكالىق ماڭىزى بار اۆتوموبيل جولدارىنىڭ ساپاسىن تەكسەرۋ بويىنشا «حالىقتىق باقىلاۋ» جوباسى ىسكە قوسىلادى. بۇل تۋرالى «قازاۆتوجول» ۇ ك» ا ق باسقارما ءتوراعاسى دارحان يماناشيەۆ ايتتى.

- 2025 -جىلعى 1 -مامىردان باستاپ رەسپۋبليكالىق ماڭىزى بار اۆتوموبيل جولدارىنىڭ ساپاسىن تەكسەرۋ بويىنشا كەڭ اۋقىمدى «حالىقتىق باقىلاۋ» جوباسى ىسكە قوسىلادى. جوبانىڭ ماقساتى - ەلىمىزدىڭ ءاربىر ازاماتى سالىنىپ جاتقان رەسپۋبليكالىق ماڭىزى بار اۆتوموبيل جولدارى بويىنشا قوعامدىق باقىلاۋعا شاقىرۋ. «قازاۆتوجول» ۇلتتىق كومپانياسى ءوز كەزەگىندە انىقتالعان كەمشىلىكتەر مەن ماسەلەلەرگە دەن قويىپ، ونى قىسقا مەرزىمدە شەشۋدى قامتاماسىز ەتپەك. جوباعا قاتىسۋ ءۇشىن 1403 بايلانىس ورتالىعىنا حابارلاسىپ، ءوتىنىم قالدىرۋ كەرەك. نىسانداردى ارالاۋ كەستەسىن «قازاۆتوجول» ۇلتتىق كومپانياسىنىڭ www.qaj.kz رەسمي سايتىنان كورۋگە بولادى، - دەدى ول ورتالىق كوممۋنيكاتسيالار قىزمەتىندەگى بريفينگتە.

بيىل 8800 شاقىرىم جولدا ءتۇرلى جوندەۋ جۇمىستارىن جۇرگىزۋ ءۇشىن 781 ميلليارد تەڭگە قاراستىرىلعان.

سونىمەن قاتار شەكاراداعى 6 اۆتوموبيل وتكىزۋ پۋنكتىندە قۇرىلىس-مونتاجداۋ جۇمىستارى جۇرگىزىلىپ، 22 جانارماي قۇيۋ ستانسياسى (ج ق س) جانە 14 كافە سالۋ، جول پايدالانۋشىلارعا قولايلى جاعداي جاساۋ ماقساتىندا تۋريستىك نىساندارعا اپاراتىن باعىتتارعا 37 جاڭا سانيتارلىق توراپ ورناتۋ جوسپارلانعان.

اۆتور

مارلان جيەمباي