رەسپۋبليكا كۇنىنە وراي قازاقستاننىڭ تۋى نيۋ-يورك تورىندە كوككە كوتەرىلدى

استانا. KAZINFORM - بۇل سالتاناتتى ءىس-شارا ايگىلى ۋولل-ستريتتە رەسپۋبليكا كۇنىنە وراي ۇيىمداستىرىلعان.

تۋ كوتەرۋ راسىمىنە نيۋ-يورك مەرياسى، قالاداعى قازاق دياسپوراسى، ءبىرقاتار شەت مەملەكەتتەردىڭ ديپلوماتتارى، قازاقستاننىڭ بىرىككەن ۇلتتار ۇيىمى جانىنداعى تۇراقتى وكىلدىگى مەن باس كونسۋلدىعى قاتىستى. الاڭعا ا ق ش-تاعى ديماشتىڭ جانكۇيەرلەرى دە كەلگەن. قالا مەرى ەريك ادامس جينالعانداردى رەسپۋبليكا كۇنىمەن قۇتتىقتاپ، ەكى ەل اراسىنداعى ىنتىماقتاستىقتى اتاپ ءوتتى.

«تۋ حالقىمىز ءۇشىن ءارقاشان دا بىرلىك پەن ەرلىكتىڭ سيمۆولى بولىپ قالا بەرەدى. ءبىز ا ق ش-تاعى ارىپتەستەرىمىزبەن بىرگە وسىنداي شارا وتكىزىپ، ۇيىمداستىرعانىمىزعا قۋانىشتىمىز»، - دەدى ق ر نيۋ-يورك قالاسىنداعى باس كونسۋلى راۋان تىلەۋلين.

ال قازاقستاندىق ءانشى ديماش قۇدايبەرگەننىڭ ا ق ش-تاعى جانكۇيەرى تنايا ياڭ ءبىزدىڭ ەلىمىزدى قوناقجاي حالىق رەتىندە تانيدى.

«مەن ديماشتىڭ كونسەرتى ءۇشىن قازاقستانعا بارعان ەدىم. ۇلكەن مەگا-كونسەرت بولدى. بارشا جانكۇيەرلەرگە ۇنادى. قازاقستان سونداي قوناقجاي ەل. بارشا قازاقستاندىقتاردى جانە ديماشتى مەرەكەمەن قۇتتىقتايمىن!»، - دەدى ول.

اۆتور
اسحات رايقۇل