17:44, 25 - قىركۇيەك 2025 | GMT +5
ەرنار باسپايەۆ پرەزيدەنتىنىڭ كەڭەسشىسى لاۋازىمىنان بوساتىلدى
استانا. KAZINFORM - مەملەكەت باسشىسى قاسىم-جومارت توقايەۆتىڭ جارلىعىمەن ەرنار جەڭىس ۇلى باسپايەۆ لاۋازىمىنان بوساتىلدى. بۇل تۋرالى اقوردا ءمالىم ەتتى.
- مەملەكەت باسشىسىنىڭ وكىمىمەن ەرنار جەڭىس ۇلى باسپايەۆ قازاقستان رەسپۋبليكاسى پرەزيدەنتىنىڭ كەڭەسشىسى لاۋازىمىنان بوساتىلدى، - دەلىنگەن حابارلامادا.
ايتا كەتەيىك، بۇعان دەيىن پرەزيدەنت جارلىعىمەن تامارا بوسىمبەك قىزى دۇيسەنوۆا قازاقستان رەسپۋبليكاسى پرەزيدەنتىنىڭ كومەكشىسى لاۋازىمىنان بوساتىلعان بولاتىن.
