رۋمىنيا پرەمەرى وليمپيادانىڭ جابىلۋ راسىمىنە بويكوت جاريالاماق

استانا. KAZINFORM - رۋمىنيانىڭ پرەمەر- ءمينيسترى مارچەل چولاكۋ پاريجدە ءوتىپ جاتقان وليمپيادانىڭ جابىلۋ راسىمىنە بويكوت جاريالاماقشى. ونىڭ پىكىرىنشە، رۋمىنيالىق گيمناستتارعا تورەشىلىك ادىلەتسىز بولعان، دەپ حابارلايدى رەسەيلىك تاسس اگەنتتىگى.

«مەن گيمناستيكاداعى تارتىس تۋدىرعان وقيعاعا بايلانىستى پاريج وليمپياداسىنىڭ جابىلۋ راسىمىنە قاتىسپايمىن دەپ شەشتىم. رۋمىنيالىق گيمناستتارعا قاتىستى قابىلدانعان شەشىم ادىلەتسىز» ، دەپ جازدى ول ءوزىنىڭ Facebook پاراقشاسىندا.

«ادال تەرمەن كەلگەن مەدالدى نە باپكەرلەر، نە جەتەكشى تەحنيكالىق ماماندار تۇسىنبەيتىن نارازىلىق نەگىزىندە بەرمەي قويۋ اقىلعا سىيمايدى».

چولاكۋدىڭ پىكىرىنشە، اتالعان باسەكەنىڭ ۇيىمداستىرۋ جۇيەسىندە ءبىر كەمشىلىك بار.

ول رۋمىنيالىق گيمناستتارعا ءوز ەلىنىڭ ولاردى وليمپيادا جۇلدەگەرلەرى رەتىندە قاراستىراتىنىن جەتكىزدى.

دۇيسەنبى كۇنى رۋمىنيالىق گيمناست قىز انا بەربوسۋ كىلەمدەگى جاتتىعۋلار بويىنشا قولا جۇلدەگەر دەپ جاريالانعان كەزدە تورەشىلەر امەريكالىق باسەكەلەستىڭ قايىرىلۋىنان سوڭ وزدەرىنىڭ شەشىمىن وزگەرتتى. سونىڭ سالدارىنان رۋمىنيالىق سپورتشى 4- ورىنعا سىرعىدى. ال قولانى امەريكالىق سپورتشى دجوردان چايلز الدى. تورەشىلەر تاعى ءبىر رۋمىنيالىق گيمناست سابرينا مانەكا- ۆوينياعا قاتىستى «كىلەم شەتىنە شىعىپ كەتتى» دەپ شەشىم شىعاردى. الايدا سپورتشى وعان نارازىلىق بىلدىرگەنىمەن شەشىم وزگەرىسسىز قالدى، رۋمىنيالىق سپورتشى 5- ورىن الدى.

اۆتور

ايدار وسپاناليەۆ