پرەمەر-مينيستر ريددەر جىلۋ ەلەكتر ورتالىعىنداعى جوندەۋ جۇمىستارىمەن تانىستى

ق ر پرەمەر-ءمينيسترى ءاليحان سمايىلوۆ شىعىس قازاقستان وبلىسىنا جۇمىس ساپارى اياسىندا ريددەر قالاسىنداعى ج ە و جوندەۋ-قالپىنا كەلتىرۋ جۇمىستارىنىڭ بارىسىمەن تانىستى، دەپ حابارلايدى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ.

пресс-служба правительства РК
Фото: Фото: пресс-служба правительства РК

شىعىس قازاقستان وبلىسى اكىمىنىڭ ورىنباسارى باقىتجان باياحمەتوۆتىڭ ايتۋىنشا، بۇگىندە ستانساداعى 6 قازاندىقتىڭ 2 ءۋى ىسكە قوسىلعان.

جاقىن ارادا تاعى بىرەۋى ىسكە قوسىلىپ، تۇرعىندار جىلۋمەن تولىق قامتاماسىز ەتىلەدى دەپ كۇتىلۋدە.

سونىمەن قاتار قالعان اگرەگاتتار مەن قوسالقى جابدىقتاردى جوندەۋ-قالپىنا كەلتىرۋ جۇمىستارى جۇرگىزىلىپ جاتىر.

جالپى، بۇگىندە مازۋت سورعى ستانساسىن، وتىن بەرۋ تراكتىسىن، تۋربوگەنەراتور جانە بايلانىس ترانسفورماتورلارىن جوندەۋ، جىلۋ جەلىلەرىندە گيدراۆليكالىق رەجيمدى قامتاماسىز ەتۋ ءۇشىن سورعى ستانتسيالارىن ەلەكترمەن جابدىقتاۋدى قالپىنا كەلتىرۋ جۇمىستارى اياقتالدى.

قازاندىق پەن تۋربينالىق سەحتاردىڭ شاتىرى جوندەلدى.

كومىر تاسىمالداناتىن تەمىرجولداردى جوندەۋ جۇمىستارى دا اياقتالۋعا جاقىن.

پرەمەر-مينيستر وتكەن جىلىتۋ ماۋسىمىندا ريددەر جەو اپاتتى جاعدايدا جۇمىس ىستەپ، ءجيى توقتاپ قالعانىن، ناتيجەسىندە تۇرعىندار قىستىڭ كوزى قىراۋدا جىلۋسىز قالعانىن اتاپ ءوتتى.

«بۇعان بۇرىنعى قوجايىنداردىڭ ستانسانى جاڭعىرتۋ مەن جوندەۋ جۇمىستارىنا قاراجات سالماعانى سەبەپ بولدى. وسىنىڭ بارلىعى ج ە و- نىڭ ابدەن توزۋىنا اكەپ سوقتى. رەسپۋبليكالىق بيۋجەتتەن 8,4 ميلليارد تەڭگە بولۋگە ءماجبۇر بولدىق. وبلىس اكىمدىگى ءوز تاراپىنان 500 ميلليون تەڭگەگە جۋىق قارجى ءبولدى. وسى ۋاقىتقا دەيىن جوندەۋ جۇمىستارى توقتاۋسىز جۇرگىزىلدى. الداعى جىلىتۋ ماۋسىمىنىڭ دۇرىس ءوتۋى ءۇشىن ولاردىڭ ۋاقتىلى اياقتالۋى ماڭىزدى. مۇنى كۇنى-ءتۇنى قاداعالاپ وتىرۋىمىز كەرەك»، — دەدى ءاليحان سمايىلوۆ.

ول سونداي-اق ج ە و- نى كوممۋنالدىق مەنشىككە بەرۋ پروتسەسىن جەدەلدەتۋدى تاپسىردى.

نىساندا پرەمەر-مينيسترگە ايماقتىڭ جىلۋ بەرۋ ماۋسىمىنا دايىندىعى تۋرالى دا باياندالدى.

بۇگىنگى تاڭدا بيۋدجەتتىك ۇيىمداردى (830 دان استام نىسان)، تۇرعىن ۇيلەردى (3 مىڭنان استام)، ينجەنەرلىك جەلىلەر مەن قازاندىقتاردى دايىنداۋ جۇمىستارى اياقتالدى.

ج ە و مەن سۋ ەلەكتر ستانسالارىندا دا وسىعان ۇقساس جاعداي، دايىندىق جۇمىستارى اياقتالۋعا جاقىن.

سوڭعى جاڭالىقتار