پرەمەر-مينيستر شەكاراداعى جۇك كەپتەلىستەرىن رەتتەۋدىڭ جولىن ايتتى
استانا. KAZINFORM - پرەمەر-مينيستر ولجاس بەكتەنوۆ ۇكىمەت وتىرىسىندا شەكاراداعى جۇك كەپتەلىسىن مەملەكەتتىك قىزمەتتەردى ساپالى كورسەتۋ ارقىلى جويۋعا بولاتىنىن ايتتى.
«بىلتىردان بەرى 2,8 مىڭ شاقىرىمنان استام تەمىرجول جوندەلدى. سالىق جۇيەسى مەن تەمىرجولدىڭ اقپاراتتىق جۇيەلەرى ينتەگراتسيالاندى. الايدا بيزنەس تاراپىنان شەكارادا جۇكتەردىڭ تۇرىپ قالۋىنا قاتىستى شاعىمدار ءالى دە جالعاسىپ جاتىر. سوندىقتان شەكاراداعى مەملەكەتتىك قىزمەتتەردى ساپالى ءارى جەدەل كورسەتۋ ءۇشىن بارلىق راسىمدەردى اياقتاۋ قاجەت»، - دەدى ول.
ۇكىمەت باسشىسى تەمىرجول ۆوكزالدارى مەن ستانسيالارىنىڭ جاعدايىن دا سىنادى.
«ولاردىڭ شامامەن %90 ىنا جوندەۋ جۇمىستارى قاجەت. وسىعان بايلانىستى كولىك مينيسترلىگى مەن «قازاقستان تەمىر جولى» كومپانياسى نەگىزگى ينفراقۇرىلىمدىق جوبالاردى ىسكە اسىرۋدىڭ ناقتى تەتىكتەرىن ازىرلەپ، قارجىلاندىرۋ كوزدەرىن انىقتاسىن. بۇل ماگيسترالدىق تەمىرجول جەلىسى مەن ۆوكزالداردى جوندەۋگە دە قاتىستى»، - دەدى ولجاس بەكتەنوۆ.
