پرەمەر-ءمينيستردىڭ اۋىسۋى ۋاقتىلى بولدى - سەرگەي پونومارەۆ

Сергей Пономарёв
Фото: www.parlam.kz

استانا. KAZINORM - پرەمەر-ءمينيستردىڭ اۋىسۋى ۋاقىتىلى بولدى. بۇل تۋرالى ءماجىلىس دەپۋتاتى سەرگەي پونومارەۆ ايتتى.

«ينفلياتسيا ءوسىپ، ءبارىن جەپ جاتىر. سوندىقتان دا مينيسترلەر كابينەتى مەن پرەمەر-ءمينيستردىڭ اۋىسۋى ۋاقىتى بولىپ جاتىر. بۇگىن، مينيسترلەردى بەكىتەمىز دەپ ويلايمىن. ەكولوگيا جانە تابيعاتتى پايدالانۋ كوميتەتىندەمىن. سوندىقتان توتەنشە جاعدايلار، ەنەرگەتيكا، سۋ رەسۋرستارى جانە ەكولوگيا مينيسترلەرىن تاعاتسىزدانا كۇتەمىز. ولار بىزگە تىكەلەي قاتىسى بار مينيسترلەر. سول سەبەپتى قازىر ولاردى سۇراقتىڭ استىنا الىپ، وتەرىن نە وتپەسىن كورەمىز»، - دەدى دەپۋتات ءماجىلىستىڭ جالپى وتىرىسىنان كەيىن.

سونىمەن قاتار ول مينيسترلەردىڭ اۋىسۋىنا قاتىستى بولجامىمەن ءبولىستى.

«مەنىڭشە، كەيبىرى انىق جاڭادان بولادى. مەنىڭشە، توتەنشە جاعدايلار ءمينيسترى ەمتيحاننان وتكەن جوق. ول بۇل لاۋازىمدا ءبىر جىلعا جەتپەيتىن ۋاقىت بولدى. كەيبىر مينيسترلەر قالادى دەپ ۇمىتتەنەمىن. ويتكەنى، ولار ۇلكەن ءىستى باستادى ءارى ءالى اياقتاعان جوق جانە دە ولاردى جارتى جولدا الىپ تاستاۋ اقىلعا قونىمسىز»، - دەدى سەرگەي پونومارەۆ.

سونىمەن قاتار ول ەنەرگەتيكا ءمينيسترىن دە اۋىستىرماۋ قاجەتتىگىن ايتتى.

سوڭعى جاڭالىقتار