ۇلتتىق قاۋىپسىزدىك كوميتەتىنىڭ باسشىسى مەملەكەتكە سىرتتان ءتونۋى مۇمكىن قاتەرلەردى ايتتى
استانا. KAZINFORM - ۇلتتىق قاۋىپسىزدىك كوميتەتىنىڭ باسشىسى ەرمەك ساعىمبايەۆ مەملەكەتكە سىرتتان ءتونۋى مۇمكىن قاتەرلەر تۋرالى ايتتى.
«ءبىزدىڭ مامىر ايىندا بولعان بىشكەكتەگى سوڭعى كەزدەسۋىمىزدەن بەرى سالىستىرمالى تۇردە كوپ ۋاقىت وتكەن جوق. الايدا وسى كەزەڭدە ت م د-دا، جالپى الەمدە بولعان وقيعالار ءبىزدىڭ ەلدەگى وپەراتيۆتى جاعدايعا ايتارلىقتاي اسەرىن تيگىزىپ وتىر. حالىقارالىق تەرروريزمگە قارسى بەلسەندى ارەكەت ەتۋمەن بايلانىستى مىندەتتەر ءبىرىنشى ورىندا قالىپ وتىر»، - دەدى ەرمەك ساعىمبايەۆ ت م د ەلدەرى قاۋىپسىزدىك ورگاندارى مەن ارناۋلى قىزمەتتەرى باسشىلارى كەڭەسىنىڭ 55-وتىرىسىندا.
سونداي-اق، ول ۇيىم ەلدەرى سينتەتيكالىق ەسىرتكى ساۋداسىنا كوبىرەك ءمان بەرۋ كەرەكتىگىن اتاپ ءوتتى.
«ترانسشەكارالىق قىلمىستاردىڭ، زاڭسىز كوشى-قون مەن قارۋ-جاراق كونترابانداسىنىڭ قاتەرى ارتىپ تۇر. ەسىرتكى ترافيگىنە، اسىرەسە «سينتەتيكا» دەلىنىپ جۇرگەن ەسىرتكى ءتۇرىنىڭ تارالۋى ءبىزدىڭ مۇقيات نازار اۋدارۋىمىزدى قاجەت ەتەدى»، - دەدى ۇ ق ك باسشىسى.
ايتا كەتەيىك، پرەزيدەنت ت م د-عا مۇشە مەملەكەتتەردىڭ قاۋىپسىزدىك ورگاندارى مەن ارناۋلى قىزمەتتەرىنىڭ باسشىلارىن قابىلدادى.
اۆتور
ەسىمجان ناقتىباي
