09:40, 04 - شىلدە 2024 | GMT +5
گەرمانياداعى كەمە جوندەۋ ورنىندا ءىرى ءورت بولدى
استانا. KAZINFORM - سەيسەنبى كۇنى تاڭەرتەڭ رەندسبۋرگ وكرۋگىندەگى ليۋرسسەن كەمە جوندەۋ ورنىندا سەح ورتەندى.
ءورتتى سوندىرۋگە توتەنشە جاعدايلار قىزمەتىنىڭ 300 گە جۋىق قىزمەتكەرى كەلدى. كەشكە قاراي ءورت اۋىزدىقتالدى، جالىن باسقا عيماراتتارعا تارالعان جوق. سۋ اتقىشتار، ءورت ءسوندىرۋ قايىقتارى جانە شىنجىر تاباندى تەحنيكا پايدالانىلدى.
شاحت-اۋدورف ايماعى مەن ونىڭ كەيبىر بولىكتەرى ۋاقىتشا ەۆاكۋاتسيالانىپ، تۇرعىندارعا كەشكە ۇيلەرىنە قايتۋعا رۇقسات ەتىلدى.
پوليتسيانىڭ مالىمەتىنشە، بۇلىنگەن عيمارات ىشىندە ءبىر ياحتا دا بولعان، ول ورتەنىپ كەتتى. Lürssen-Krِger كەمە جاساۋ ورنى ياحتا جاساۋمەن تانىمال.
كەلتىرىلگەن شىعىننىڭ ناقتى كولەمى ازىرگە بەلگىسىز.
ءورتتىڭ شىعۋ سەبەبى ءالى انىقتالعان جوق. الايدا ءورتتىڭ سالىنىپ جاتقان ياحتادان شىققانى بەلگىلى بولدى.
