گەرمانيادا قالا باسشىسى پىشاق شابۋىلىنان اۋىر جاراقات الدى

استانا. KAZINFORM - گەرمانيانىڭ حەردەكە قالاسىندا (سولتۇستىك رەين-ۆەستفاليا) جاڭادان سايلانعان مەر، 57 جاستاعى يريس شتالتسەر اسقازانى مەن ارقاسىنان تەرەڭ پىشاق جاراقاتىن العان، دەپ حابارلايدى Bild.

جارالانعان شتالتسەردى ءوز پاتەرىنەن ۇلى تاۋىپ العان. ەسىن جوعالتپاس بۇرىن قالا مەرى كوشەدە بىرنەشە ەر ادام شابۋىل جاساعانىن ايتىپ ۇلگەرگەن. دارىگەرلەر ونىڭ ءومىرى ءۇشىن كۇرەسىپ جاتىر. ايتۋلارىنشا ونىڭ جاعدايى اۋىر.

قۇقىق قورعاۋ جوسپارى جاريالانىپ، شابۋىل جاساعانداردى ىزدەۋ ءجۇرىپ جاتىر.

تەرگەۋ جۇمىستارى اسا اۋىر قىلمىستار بويىنشا ارنايى تەرگەۋ توبىنا تاپسىرىلدى.

گەرمانيا كانسلەرى فريدريح مەرتس جەدەل تەرگەۋ جۇرگىزۋدى تاپسىردى.

- ءبىز جاڭا عانا سايلانعان مەر يريس شتالتسەردىڭ ومىرىنە الاڭداۋلىمىز جانە ونىڭ تولىق ساۋىعىپ كەتۋىنە ۇمىتتەنەمىز. مەن ونىڭ وتباسى مەن جاقىندارىنا تىلەۋلەسپىن، - دەپ جازدى ول X الەۋمەتتىك پلاتفورماسىندا.

يريس شتالتسەر 28-قىركۇيەكتە وتكەن مۋنيتسيپالدى سايلاۋدىڭ ەكىنشى تۋرىندا حەردەكە قالاسىنىڭ مەرى بولىپ سايلاندى. شابۋىل ونىڭ جەڭىسىنەن ون كۇن وتكەن سوڭ بولدى.

اۆتور

ەركەجان سماعۇلوۆا