ەرلان قوشانوۆ: شۇعىل تۇردە كيبەر الاياقتىقپەن كۇرەستى كۇشەيتەتىن زاڭ جوباسىن ازىرلەيمىز
استانا. KAZINFORM - ءماجىلىس Astana Hub پەن يننوۆاتسيالىق تەحنولوگيالار پاركىن بىرىكتىرۋ تۋرالى زاڭ جوباسىن ەكىنشى وقىلىمدا ماقۇلدادى.
- پرەزيدەنت 2022 -جىلى ينتەرنەت الاياقتىقپەن كۇرەستى ۇيىمداستىرۋدى تاپسىرعان بولاتىن. قانداي ناتيجە الدىق؟ بىلتىر ەلدە تىركەلگەن الاياقتىقتىڭ %99 ى ينتەرنەت ارقىلى جاسالعان. ازاماتتار الاياقتارعا 12 ميلليارد تەڭگە اۋدارىپ جىبەرگەن. بۇل 2023 -جىلعا كورسەتكىشتەن 3 ەسە كوپ. قىلمىستاردىڭ %80 ى عانا اشىلعان. ال اقشاسىن قايتارعانداردىڭ ۇلەسى %30 عانا، %70 ى ءالى قايتارا الماي ءجۇر، - دەدى مۇرات ابەنوۆ.
سونداي-اق، دەپۋتات ءبىر ادام ءبىر كۇندە ءوز اتىنا بەس بىردەي ەلەكتروندى سيفرلىق قولتاڭبا راسىمدەگەن جاعدايلار تىركەلگەنىن ايتتى. بۇل الاياقتاردىڭ اياعىن الشاڭ باسۋعا جاعداي تۋعىزىپ وتىرسا كەرەك.
مۇرات ابەنوۆتىڭ ساۋالىنا ارىپتەستەرى مارات ءباشىموۆ پەن رينات زايتوۆ تا قولداۋ ءبىلدىردى. ءبىرى دروپەرلەردىڭ جاۋاپكەرشىلىگىن قاتاڭداتۋدى ۇسىنسا، ەكىنشىسى قارجى ۇيىمدارى مەن بانكتەردىڭ جاۋاپكەرشىلىگىن ارتتىرۋ كەرەكتىگىن ايتتى.
ءماجىلىس ءتوراعاسى ەرلان قوشانوۆ دەپۋتاتتاردىڭ باستاماسىن قولداپ، شۇعىل تۇردە كيبەر الاياقتىقپەن كۇرەستى كۇشەيتەتىن جاڭ ازاڭ جوباسىن ازىرلەۋ تۋرالى تاپسىرما بەردى.
- كيبەر الاياقتىقپەن كۇرەستى كۇشەيتىپ، قىلمىستىق جاۋاپكەرشىلىكتى بارىنشا قاتاڭداتۋعا ءتيىسپىز. سوندىقتان زاڭدى كۇشەيتپەي حالىققا قولايسىزدىق تۋعىزىپ وتىرعان الاياقتاردىڭ ارەكەتىن توقتاتۋ مۇمكىن ەمەس. ونى ءبىز دۇرىس ءتۇسىنۋىمىز كەرەك. ءبىزدىڭ ءتيىستى كوميتەتكە شۇعىل تۇردە ءتيىستى زاڭنىڭ جوباسىن دايىنداۋدى تاپسىرامىن. ول جۇمىسقا جاڭا عانا باستاما كوتەرگەن دەپۋتاتتار دا اتسالىسادى دەپ ويلايمىن، - دەدى ەرلان قوشانوۆ.
ايتا كەتۋ كەرەك، جىل باسىندا Astana Hub رەزيدەنتتەرىنىڭ 90 نان استام ەلگە IT قىزمەت ەكسپورتتاعانى بەلگىلى بولعان ەدى.
