ەرلان قارين تۇركىستاندا ءوتىپ جاتقان حالىقارالىق سيمپوزيۋمعا قاتىستى
استانا. KAZINFORM - مەملەكەتتىك كەڭەسشى ەرلان قارين تۇركىستاندا ءوتىپ جاتقان «زامان مەن مادەنيەت ديالوگىنداعى ياساۋي مۇراسى: گۋمانيستىك باعىت-باعدار مەن زاماناۋي سىن-قاتەرلەر» اتتى حالىقارالىق سيمپوزيۋمنىڭ اشىلۋىنا قاتىستى.
بۇل تۋرالى اقوردانىڭ باسپا ءسوز قىزمەتى حابارلادى.
بۇل سيمپوزيۋمدى وتكىزۋ تۋرالى باستامانى مەملەكەت باسشىسى ۇلتتىق قۇرىلتايدىڭ اتىراۋدا وتكەن ءۇشىنشى وتىرىسىندا كوتەرگەن ەدى. پرەزيدەنت القالى جيىندا: «قوجا احمەت ياساۋي مۇرالارىن تەرەڭ زەردەلەپ، دارىپتەۋگە دە ايرىقشا نازار اۋدارعان ءجون. بۇل ماسەلە بويىنشا ەڭ اۋەلى ءوز ەلىمىزدىڭ جانە شەتەلدىڭ عالىمدارىن شاقىرىپ، ارنايى سيمپوزيۋم وتكىزۋ قاجەت» دەگەن بولاتىن.
ەرلان قارين مەملەكەت باسشىسىنىڭ سيمپوزيۋمعا قاتىسۋشىلارعا ارنالعان قۇتتىقتاۋ حاتىن وقىدى.
مەملەكەتتىك كەڭەسشى بۇل سيمپوزيۋم ياساۋيدىڭ گۋمانيستىك يدەيالارىن جۇيەلى زەرتتەۋگە جانە رۋحاني-زياتكەرلىك مۇراسىن ناسيحاتتاۋعا زور ۇلەس قوساتىنىن اتاپ ءوتتى.
جيىنعا ەلىمىز بەن ازەربايجان، گەرمانيا، ءۇندىستان، يران، يتاليا، قىرعىزستان، رەسەي، ا ق ش، تاجىكستان، تۇرىكمەنستان، تۇركيا، وزبەكستان جانە جاپونيا ەلدەرىنەن كەلگەن جۇزگە جۋىق بەلگىلى عالىمدار قاتىسىپ جاتىر.
سيمپوزيۋمداعى تاقىرىپتىق سەكسيالار اياسىندا ياساۋي مۇراسىنىڭ ءتۇرلى قىرلارىن قامتيتىن عىلىمي باياندامالار جاسالىپ، پىكىرتالاستار بولادى. سونداي-اق عالىمدار ءوزارا تاجىريبە الماسادى.
ايتا كەتەيىك، مەملەكەتتىك كەڭەسشى تۇركىستان وبلىسىندا ىشكى ساياسات ماسەلەلەرى جونىندە جيىن وتكىزدى.
