ەرلان قارين: جۇرگىزىلىپ جاتقان ساياسي باعىت سالماقتى قوعامدىق قولداۋعا يە
استانا. KAZINFORM - مەملەكەتتىك كەڭەسشى ەرلان قارين «ورتالىق ازيا - قىتاي: ايماقتىق ارىپتەستىكتىڭ جاڭا كوكجيەكتەرى» اتتى تالداۋ ورتالىقتارى V فورۋمىنىڭ اشىلۋىنا قاتىستى.
- بارلىق جۇزەگە اسىرىلعان جانە بولاشاق رەفورمالار مەملەكەتتىگىمىزدى نىعايتۋعا، بارشا ازاماتتىڭ ءال-اۋقاتىن ارتتىرۋعا باعىتتالعان. سوندىقتان جۇرگىزىلىپ جاتقان ساياسي باعىت سالماقتى قوعامدىق قولداۋعا يە. قازاقستاننىڭ ستراتەگيالىق زەرتتەۋلەر ينستيتۋتى جۇرگىزگەن ساۋالناما دەرەكتەرىنە سايكەس، قازاقستاندا ازاماتتاردىڭ 73,3 پايىزى، ال قوعامدىق ساياسات ينستيتۋتىنىڭ دەرەگى بويىنشا ازاماتتاردىڭ 79,5 پايىزى ەلىمىز دۇرىس باعىتتا دامىپ كەلە جاتىر دەپ سانايدى. بۇل قازاقستاندا مەملەكەت پەن قوعام بىرىگۋىنىڭ جوعارى دەڭگەيىن بىلدىرەدى، - دەدى حالىقارالىق ءىس-شارانىڭ اشىلۋىندا ءسوز سويلەگەن ەرلان قارين.
ايتا كەتەيىك، تاياۋدا ەلوردادا ورتالىق ازيا ەلدەرى مەن قىتاي ەلى مەديا سالاسى ماماندارىنىڭ قاتىسۋىمەن فورۋم وتكەن ەدى.
