ۇركەر-2023: جەڭىمپازدارى انىقتالدى

«URKER-2023» سىيلىعىنىڭ جەڭىمپازدارى انىقتالدى. 48 ۇمىتكەردىڭ اراسىنان 12 ۇزدىك ءار نوميناتسيا بويىنشا ماراپاتتالدى.

باسپا، راديو، ينتەرنەت جۋرناليستيكا سالاسى بويىنشا مادەنيەت جانە اقپارات مينيسترلىگى ۇيىمداستىرعان بايقاۋعا 450 ماتەريال ۇسىنىلعان.

«جىلدىڭ ۇزدىك ينتەرۆيۋى» اتالىمى بويىنشا Time.kz لەيلا تاستانوۆا، «جىلدىڭ ۇزدىك رەپورتاجى» نوميناتسياسىن tengrinews.kz ءتىلشىسى رابيعا دۇيسەنعۇلوۆا، الەۋمەتتىك تاقىرىپتاعى ۇزدىك ماتەريال اتالىمى بويىنشا امانگۇل تىلەي قىزى - El.kz، سەيداحمەت بەردىقۇلوۆ اتىنداعى ۇزدىك جۋرناليستىك زەرتتەۋ اتالىمى بويىنشا اننا ۆەليچكو (Golos-naroda.kz)، «جىلدىڭ ۇزدىك اناليتيكالىق ماتەريالى» اتالىمىندا مەرۋەرت سارسەنوۆا (Kapital.kz)، «ۇزدىك حالىقارالىق ب ا ق» اتالىمىندا (مەرزىمدى باسپا ءسوز، راديو-ينتەرنەت-جۋرناليستيكا) «قازاق ەلى» جۋرنالى (تۇركيا)، «ۇزدىك اقپاراتتىق پورتال» اتالىمى Nege.kz ۇجىمىنا، «راديوستانتسياداعى ۇزدىك جوبا» اتالىمىن «Orda FM» راديوسىنىڭ «Zhas STAR» باعدارلاماسى ەنشىلەدى.

«جىلدىڭ ۇزدىك فوتوسۋرەتى» اتالىمىندا ۆالەري بۋگايەۆ، «ۇزدىك ايماقتىق ب ا ق» نوميناتسياسىمەن قىزىلوردا وبلىسىنىڭ «سىر بويى» گازەتى، «ۇزدىك پودكاست» اتالىمى بويىنشا اينەل ءامىرحاننىڭ «OY- DETOX» جوباسى ماراپاتتالدى.

«ۇزدىك YouTube ارناسى» اتالىمىندا اباي سەيفوللانىڭ «Abay Live» ارناسى ۇزدىك دەپ تانىلدى.

«قازاق» گازەتىنىڭ 110 جىلدىعىنا ارنالعان ارنايى سىيلىق رەسپۋبليكالىق «انا ءتىلى» گازەتىنىڭ ۇجىمىنا بۇيىردى.