رەفەرەندۋمنىڭ 10 مىڭ ۋچاسكەسىندە قوعامدىق ءتارتىپ بۇزىلعان جوق – ءى ءى م
استانا. KAZINFORM - ق ر باس پروكۋراتۋراسى مەن ق ر ءى ءى م رەفەرەندۋم وتكىزۋ بارىسىندا زاڭدىلىق پەن قۇقىقتىق ءتارتىپتى قامتاماسىز ەتۋ شارالارىن قورىتىندىلادى.
ق ر باس پروكۋراتۋراسى قوعامدىق مۇددەلەردى قورعاۋ قىزمەتىنىڭ باسقارما باستىعى بەكجان قارامانوۆتىڭ ايتۋىنشا، داۋىس بەرۋ كۇنى جالپى 2 بۇزۋشىلىق انىقتالدى. بۇل زاڭسىز ساۋال مەن زاڭسىز ۇگىت جۇرگىزۋگە قاتىستى. بارلىق جاعدايدا ازاماتتار ءوز كىنالارىن مويىندادى، ولارعا اكىمشىلىك ايىپپۇلدار سالىندى.
«وسى ساعاتتا پروكۋراتۋرا ورگاندارىنا 3 ءوتىنىش ءتۇستى. جولدانىمداردا ازاماتتار داۋىس بەرۋ پروتسەسى مەن ۋچاسكەلىك رەفەرەندۋم كوميسسيالارىنىڭ اتاۋلارىن قوزعاعان. وسىعان بايلانىستى پروكۋرورلار بارلىق جولدانىمداردى قۇزىرەتى بويىنشا اۋماقتىق رەفەرەندۋم كوميسسيالارىنا جولدادى. سوت ورىندارىنا تالاپ-ارىزدار تۇسپەگەن»، - دەدى ب. قارامانوۆ ورتالىق كوممۋنيكاتسيالار قىزمەتىندە.
ق ر ءى ءى م رەسمي وكىلى شىڭعىس الەكەشيەۆ قۇقىقتىق ءتارتىپ پەن قاۋىپسىزدىكتى قامتاماسىز ەتۋ بويىنشا ءىس-شارالاردى جالعاستىرىپ جاتقانىن اتاپ ءوتتى.
«ىشكى ىستەر ورگاندارى قويىلعان مىندەتتەردى ءتيىستى دەڭگەيدە ورىنداپ شىققانىن اتاپ وتۋگە بولادى. قوعامدىق ءتارتىپتى ساقتاۋ بويىنشا قاجەتتى شارالار قابىلدانۋدا، سونداي-اق بايقاۋشىلاردىڭ قاۋىپسىز جۇمىسى جانە ازاماتتاردىڭ رەفەرەندۋمعا ەركىن قاتىسۋ مۇمكىندىگى قامتاماسىز ەتىلدى. رەفەرەندۋمنىڭ 10 مىڭ ۋچاسكەسىنىڭ ەشقايسىسىندا قوعامدىق ءتارتىپتى بۇزۋعا جول بەرىلمەدى. قازىرگى ۋاقىتتا داۋىستاردى ساناۋ جالعاسۋدا، رەفەرەندۋم ۋچاسكەلەرىندەگى جاعداي تۇراقتى»، - دەدى ق ر ءى ءى م رەسمي وكىلى.
ونىڭ ايتۋىنشا، داۋىستاردى ساناۋ اياقتالعاننان كەيىن پوليتسيا قىزمەتكەرلەرى اۋماقتىق رەفەرەندۋم كوميسسيالارىنا بيۋللەتەندەر مەن حاتتامالاردى جەتكىزۋدى سۇيەمەلدەيدى.
