رەفەرەندۋمدا حالىقتىڭ داۋسى ماڭىزدى - ايدا بالايەۆا
استانا. KAZINFORM - مادەنيەت جانە اقپارات ءمينيسترى ايدا بالايەۆا استانادا ۇلتتىق اكادەميالىق كىتاپحانادا ورنالاسقان №164-داۋىس بەرۋ ۋچاسكەسىندە ءوز تاڭداۋىن جاسادى.
«ا ە س-تى سالۋعا قاتىستى رەفەرەندۋم ساياسي ماسەلە ەمەس، ءبىراق ەكونوميكالىق تۇرعىدان الىپ قاراعاندا ەلىمىزدىڭ ەرتەڭگى دامۋىنا بىردەن ءبىر ىقپال ەتەتىن ءىس-شارا. وسى ماسەلەدە حالىقتىڭ داۋسى ماڭىزدى، ويتكەنى قوعامدا ءارتۇرلى پىكىرلەر بولعاندىقتان، رەفەرەندۋم وتكىزۋ تۋرالى شەشىم قابىلداندى. سوندىقتان ەل بولاشاعىنا جاۋاپتى ازاماتتاردىڭ بارلىعى داۋىس بەرۋ ۋچاسكەلەرىنە كەلىپ جاتىر، مەن دە ازاماتتىق بورىشىمدى وتەپ، ءوز تاڭداۋىمدى جاسادىم»، - دەدى ايدا بالايەۆا رەفەرەندۋمدا داۋىس بەرگەن سوڭ ب ا ق وكىلدەرىنىڭ ساۋالىنا جاۋاپ بەرە تۇرىپ.
ءمينيستردىڭ پىكىرىنشە، ءار ازامات رەفەرەندۋمدا داۋىس بەرىپ، ءوز تاڭداۋىن جاساۋى قاجەت.
بۇعان دەيىن اتالعان ۋچاسكەدە سەنات ءتوراعاسى ماۋلەن اشىمبايەۆ داۋىس بەردى. ونىڭ ايتۋىنشا، رەفەرەندۋم - قازاقستاننىڭ دەموكراتيالىق دامۋىنداعى ماڭىزدى قادام.
ودان بولەك، مەملەكەتتىك كەڭەسشى ەرلان قارين قازاقستان - ت م د جانە ورتالىق ازياداعى رەفەرەندۋم وتكىزىپ جاتقان بىردەن-ءبىر ەل ەكەنىن ايتتى.
اۆتور
داۋلەت ىزتىلەۋ
