رەفەرەندۋم: تىنىشتىق كۇنى نە ىستەۋگە بولمايدى؟
استانا. KAZINFORM - ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ رەفەرەندۋمعا قاتىسۋشىلارعا تىنىشتىق كۇنى قانداي ارەكەتتەر جاساۋعا بولمايتىنىن ايتتى.
«ۇگىت-ناسيحات جۇمىستارى بۇگىن تۇندە ساعات 00:00 دە اياقتالادى. بۇل ۋاقىتقا دەيىن ۇگىت جۇرگىزۋگە رۇقسات ەتىلگەن. ەرتەڭ تىنىشتىق كۇنى باستالادى، وندا كەز كەلگەن ۇگىت-ناسيحات شارالارىنا تىيىم سالىنادى. داۋىس بەرۋ كۇنى دە ۇگىتكە بايلانىستى كەز كەلگەن ارەكەتكە زاڭدا قۇقىقتىق جاۋاپكەرشىلىك قاراستىرىلعان»، - دەدى ورتالىق سايلاۋ كوميسسياسىنىڭ باسشىسى ءابدىروۆ.
سونداي-اق تىنىشتىق كۇنى قوعامدىق ساۋالنامالار جۇرگىزۋگە دە تىيىم سالىنادى.
«سونىمەن قاتار قوعامدىق پىكىر ساۋالنامالارىنىڭ، رەفەرەندۋمعا قاتىستى زەرتتەۋلەردىڭ جانە داۋىس بەرۋ ناتيجەلەرىنىڭ بولجامدارىنىڭ سايلاۋ كۇنى ب ا ق پەن ونلاين پلاتفورمالاردا جاريالانۋىنا دا جول بەرىلمەيدى. داۋىس بەرۋ ورىندارىندا قوعامدىق پىكىرگە ساۋال جۇرگىزۋگە دە تىيىم سالىنادى»، - دەدى ول ب ا ق وكىلدەرىنە ارنالعان باسپا ءسوز جيىنىندا.
ايتا كەتەيىك، رەفەرەندۋمگە داۋىس بەرۋ 6-قازان كۇنى وتەدى.
