رەفەرەندۋم: تىنىشتىق جانە داۋىس بەرۋ كۇنى سايلاۋشىلارعا قويىلعان قانداي سۇراق ۇگىت-ناسيحات سانالادى

استانا. KAZINFORM - ورتالىق رەفەرەندۋم كوميسسياسىنىڭ وتىرىسىندا مادەنيەت جانە اقپارات ۆيتسە-ءمينيسترى قانات ىسقاقوۆ تىنىشتىق جانە داۋىس بەرۋ كۇنى سايلاۋشىلارعا قويىلعان قانداي سۇراق ۇگىت-ناسيحات سانالاتىندىعىن ايتتى.

«رەفەرەندۋم تۋرالى» زاڭنىڭ 7-بابىنىڭ 4-تارماعىنا سايكەس، رەفەرەندۋمنىڭ الدىنداعى كۇنى جانە رەفەرەندۋم وتكىزىلەتىن كۇنى كەز كەلگەن ۇگىت جۇرگىزۋگە تىيىم سالىنادى. بۇل رەتتە، «ۇگىت-ناسيحات» ۇعىمىنىڭ ءمانى مەن مازمۇنىنا سۇيەنە وتىرىپ، رەفەرەندۋمعا شىعارىلعان سۇراقتى سايلاۋشىلاردى «داۋىس بەرەمىن» نە «قارسىمىن» دەپ داۋىس بەرۋگە يتەرمەلەيتىن ماتەريالدار ۇگىت-ناسيحات رەتىندە قارالاتىن بولادى. سونىمەن قاتار، رەفەرەندۋمعا بەس كۇن قالعاندا، ونىڭ ىشىندە «تىنىشتىق» جانە داۋىس بەرۋ كۇنى، ياعني 5-جانە 6-قازاندا قوعامدىق پىكىرگە ساۋالناما، رەفەرەندۋم ناتيجەلەرىنىڭ بولجامدارىن، باسقا زەرتتەۋلەردى، رەفەرەندۋمگە شىعارىلعان سۇراققا قارسى نەمەسە جاقتاپ داۋىس بەرۋلەردى بۇقارالىق اقپارات قۇرالدارىندا جانە ونلاين-پلاتفورمالاردا جاريالاۋعا جول بەرىلمەيدى»، - دەدى قانات ىسقاقوۆ.

ونىڭ اتاپ وتۋىنشە، اتالعان تىيىمداردى ساقتاماعانى ءۇشىن قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 102 جانە 120-باپتارىندا اكىمشىلىك جاۋاپتىلىق كوزدەلگەن.

«بۇل رەتتە اتالعان بۇزۋشىلىققا جول بەرگەن جەكە جانە زاڭدى تۇلعالار، ونىڭ ىشىندە الەۋمەتتىك جەلى قولدانۋشىلارى جاۋاپقا تارتىلۋى مۇمكىن. ءوز كەزەگىندە، بۇرىن ينتەرنەت- رەسۋرستاردا ورنالاستىرىلعان ۇگىت-ناسيحات ماتەريالدارى، سايتتىڭ باستى بەتىنە شىعارىلماي، بۇرىنعى ورىندارىندا ساقتالۋى قاجەت. ولاردى جوعارىعا شىعارۋدى بولدىرماۋ ءۇشىن پايدالانۋشىلاردىڭ كوممەنتارييلەرى فۋنكسياسىن ءوشىرۋ ۇسىنىلادى. سونداي-اق، رەفەرەندۋم كۇنى، وتكىزۋ تالاپتارى، داۋىس بەرۋ ءتارتىبى جانە باسقالارى تۋرالى تۇسىندىرمە سيپاتتاعى بۇرىن ورنالاستىرىلعان اقپاراتتىق ماتەريالدار، جارنامالىق باننەرلەردى قوسا العاندا، بۇرىنعى ورىندارىندا قالۋى قاجەت»، - دەدى ۆيتسە-مينيستر.