رەفەرەندۋم: 7 ميلليون ادام داۋىس بەردى

استانا. KAZINFORM – ا ە س بويىنشا رەفەرەندۋم بارىسىندا 7 ميلليون ادام داۋىس بەردى. بۇل تۋرالى ورتالىق رەفەرەندۋم كوميسسياسىنىڭ مۇشەسى اناستاتسيا شەگورتسوۆا ايتتى.

كوميسسيا مۇشەسىنىڭ اتاپ وتۋىنشە، 16:00 دەگى جاعداي بويىنشا 7062358

ازامات بيۋللەتەن الدى. بۇل تىزىمگە ەنگىزىلگەن ازاماتتاردىڭ 57,68 پايىزىن قۇرايدى.

ونىڭ ىشىندە:

1. اباي وبلىسى بويىنشا - 58,12 پايىز

2. اقمولا وبلىسى بويىنشا - 63,5 پايىز

3. اقتوبە وبلىسى بويىنشا - 68,41 پايىز

4. الماتى وبلىسى بويىنشا - 64,09 پايىز

5. اتىراۋ وبلىسى بويىنشا - 56,61 پايىز

6. باتىس قازاقستان وبلىسى بويىنشا - 60,82 پايىز

7. جامبىل وبلىسى بويىنشا - 53,58 پايىز

8. جەتىسۋ وبلىسى بويىنشا - 58,86 پايىز

9. قاراعاندى وبلىسى بويىنشا - 62,86 پايىز

10. قوستاناي وبلىسى بويىنشا - 67,57 پايىز

11. قىزىلوردا وبلىسى بويىنشا - 76,15 پايىز

12. ماڭعىستاۋ وبلىسى بويىنشا - 47,7 پايىز

13. پاۆلودار وبلىسى بويىنشا - 58,7 پايىز

14. سولتۇستىك قازاقستان وبلىسى بويىنشا - 60,15 پايىز

15. تۇركىستان وبلىسى بويىنشا - 70,73 پايىز

16. ۇلىتاۋ وبلىسى بويىنشا - 63,85 پايىز

17. شىعىس قازاقستان وبلىسى بويىنشا - 68,33 پايىز

18. استانا قالاسى بويىنشا - 46,3 پايىز

19. الماتى قالاسى بويىنشا - 20,57 پايىز

20. شىمكەنت قالاسى بويىنشا - 66,48 پايىز

«استانا ۋاقىتى بويىنشا ساعات 16:00 دە ۆاشينگتون، نيۋ-يورك جانە وتتاۆا قالالارىندا رەفەرەندۋم ۋچاسكەلەرىنىڭ اشىلعانىن حابارلايمىز»، - دەدى ول.

ازاماتتاردىڭ ۋاقىتشا بولاتىن جەرلەرىندەگى 358 ۋچاسكەدە داۋىس بەرۋ اياقتالدى.

ەسكە سالايىق، بۇگىن قازاقستاندىقتار اتوم ەلەكتر ستانتسياسىن سالۋ ماسەلەسى بويىنشا جالپىۇلتتىق رەفەرەندۋمدا داۋىس بەرىپ جاتىر.

رەسپۋبليكالىق رەفەرەندۋم بيۋللەتەنىندە ءبىر عانا ساۋال بولادى:

- ءسىز قازاقستاندا اتوم ەلەكتر ستانتسياسىن سالۋعا كەلىسەسىز بە؟

داۋىس بەرۋشى جاۋاپتىڭ ەكى نۇسقاسىنىڭ ءبىرىن تاڭدايدى:

- «ءيا، كەلىسەمىن» نەمەسە، «جوق، كەلىسپەيمىن».

1-شىلدەدەگى جاعداي بويىنشا ەل كولەمىندە 12176968 ادام رەفەرەندۋمدا داۋىس بەرۋگە حاقىلى.