رەفەرەندۋم 2024: ايماقتار بويىنشا تۇركىستان وبلىسى ەكىنشى ورىندا
تۇركىستان. KAZINFORM - ايماقتار بويىنشا 75,31 پايىز تاڭداۋ جاساعاندار تۇركىستان وبلىسىنىڭ تۇرعىندارى.
6-قازاندا داۋىس بەرۋ كۇنى ورتالىق رەفەرەندۋم كوميسسياسى كۇنى بويى ۋچاسكەلەردىڭ اشىلۋى جانە داۋىس بەرۋدىڭ باستالۋى تۋرالى اقپارات بەرىپ وتىردى، سونداي-اق ءاربىر ەكى ساعات سايىن ق ر و ر ك مۇشەلەرى داۋىس بەرۋشىلەردىڭ قاتىسۋى تۋرالى وبلىستاردىڭ، رەسپۋبليكالىق ماڭىزى بار قالالاردىڭ، ەلوردانىڭ اۋماقتىق كوميسسيالارىنىڭ دەرەكتەرىن بەرىپ وتىردى.
رەسپۋبليكا بويىنشا ۋچاسكەلەردە داۋىس بەرۋ ساعات 20.00-دە اياقتالدى. وبلىستاردىڭ، رەسپۋبليكالىق ماڭىزى بار قالالاردىڭ، ەلوردانىڭ كوميسسيالارى ۇسىنعان دەرەكتەرگە سايكەس 2024 -جىلعى 6-قازاندا ساعات 20.00-دەگى جاعداي بويىنشا تىزىمگە ەنگىزىلگەن ازاماتتاردىڭ جالپى سانىنىڭ %63,87 ى بيۋللەتەن الدى.
رەفەرەندۋم قالاي ءوتتى، قورىتىندىسى نە بولدى؟ Kazinform ءتىلشىسىنىڭ ماتەريالىنان تانىسا الاسىز.
ەسكە سالايىق، كەشە قازاقستاندىقتار اتوم ەلەكتر ستانتسياسىن سالۋ ماسەلەسى بويىنشا رەفەرەندۋمدا داۋىس بەردى.
6-قازاندا ەل بويىنشا 10249 رەفەرەندۋم ۋچاسكەسىندە داۋىس بەرۋ باستالدى.
1-شىلدەدەگى جاعداي بويىنشا ەل كولەمىندە 12176968 ادام رەفەرەندۋمدا داۋىس بەرۋگە حاقىلى ەكەنى ايتىلدى.
قوعامدىق ساياسات ينستيتۋتى سايلاۋشىلار اراسىندا ساۋالناما جۇرگىزدى. Exit poll ناتيجەسىندە قاتىسۋشىلاردىڭ 72,3 پايىزى ا ە س قۇرىلىسىن قولداعان.
«استانا - كەشەندى الەۋمەتتىك زەرتتەۋلەر ينستيتۋتى»: exit poll ناتيجەسىندە قازاقستاندىقتاردىڭ 69,8 پايىزى رەفەرەندۋمدا ا ە س قۇرىلىسىن قولداپ داۋىس بەردى.
ەۋرازيالىق ينتەگراتسيا ينستيتۋتى: Exit poll ناتيجەلەرىنە سايكەس، رەسپوندەنتتەردىڭ %71,8 ى «ءيا، كەلىسەمىن» دەپ جاۋاپ بەرگەن، قالعان %28,2 ى «جوق، كەلىسپەيمىن» جاۋابىن تاڭداعان.
