رەفەرەندۋم: 10,3 مىڭ داۋىس بەرۋ ۋچاسكەسى قۇرىلادى

استانا. KAZINFORM - رەفەرەندۋم ۋچاسكەلەرىنىڭ جالپى سانى 10327 نى قۇرادى. بۇل تۋرالى ەلوردادا 6-قازانداعى رەسپۋبليكالىق رەفەرەندۋمدى وتكىزۋ ماسەلەسىنە ارنالعان وتىرىستا ق ر ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ ايتتى.

ونىڭ ايتۋىنشا، رەفەرەندۋمعا دايىندىق بويىنشا جۇمىسقا 35 كۇن ۋاقىت بولىنەدى. بۇل تۇرعىدا سايلاۋشىلار ءتىزىمىن تۇگەندەۋ باستالعان جانە الداعى ۋاقىتتا تۇرعىندار داۋىس بەرەتىن ۋچاسكەلەر بويىنشا اقپارات بەرىلەدى. 12-قىركۇيەككە دەيىن ازاماتتار رەفەرەندۋم كوميسسيالارى ورنالاساتىن ورىنداردان حاباردار بولادى.

سونىمەن قاتار ول داۋىس بەرۋ 6-قازاندا تاڭعى 7:00-دەن باستاپ كەشكى 20:00-گە دەيىن جالعاساتىنىن ايتتى. رەفەرەندۋم قورىتىندىسى 7 كۇن ىشىندە جاريالانادى.

«رەفەرەندۋم ۋچاسكەلەرىنىڭ جالپى سانى 10327 نى قۇرادى. ونىڭ ىشىندە 78 ى قازاقستان اۋماعىنان تىس جەردە، ياعني الەمنىڭ 63 ەلىندە»، - دەدى ك. پەتروۆ.

ونىڭ سوزىنە قاراعاندا، 1-شىلدەدەگى جاعداي بويىنشا ەل كولەمىندە 12176968 ادام رەفەرەندۋمعا قاتىسۋ مۇمكىندىگىنە يە.

بۇدان بۇرىن حابارلانعانداي، مەملەكەت باسشىسى قاسىم-جومارت توقايەۆ «2024 -جىلعى 6-قازاندا رەسپۋبليكالىق رەفەرەندۋم وتكىزۋ تۋرالى» جارلىققا قول قويدى.

اۆتور
رۋسلان عابباسوۆ