21:59, 30 - ماۋسىم 2025 | GMT +5
ەردوعان: 2026-جىلى ناتو سامميتى انكارادا وتەدى
استانا. KAZINFORM - تۇركيا پرەزيدەنتى رەجەپ تايىپ ەردوعاننىڭ مالىمدەۋىنشە، 2026-جىلى ناتو مەملەكەت جانە ۇكىمەت باسشىلارىنىڭ سامميتى انكارا قالاسىندا ۇيىمداستىرىلادى، دەپ حابارلايدى ت ا س س.
- گااگادا وتكەن سوڭعى ناتو سامميتىندە ءبىز ءۇشىن ماڭىزدى شەشىم قابىلداندى - كەلەسى سامميت ءبىزدىڭ ەلىمىزدە وتەدى. 2026-جىلدىڭ شىلدەسىندە ناتو كوشباسشىلارىن ەلىمىزدىڭ استاناسى انكارادا قابىلدايمىز. ءبىز اسا ماڭىزدى شەشىمدەر قابىلداناتىن ورتا قالىپتاستىرامىز، - دەدى ەردوعان انكارادا وتكەن مينيسترلەر كابينەتىندەگى وتىرىس قورىتىندىسى بويىنشا.
ايتا كەتەلىك تۇركيادا ەلدىڭ جاڭا كونستيتۋتسياسىن قابىلداۋ ماسەلەسى قايتادان كوتەرىلىپ جاتىر.
