ەربولات دوسايەۆ سايران كولىن اباتتاندىرۋ بارىسىمەن تانىستى
الماتى. KAZINFORM - الماتى اكىمى ەربولات دوسايەۆ قالاداعى الماتىلىقتاردىڭ ەڭ تانىمال جانە سۇيىكتى جەرلەرىنىڭ ءبىرى ءارى كەشەندى اباتتاندىرۋ جۇمىستارى اياقتالىپ قالعان سايران كولىنىڭ اۋماعىن ارالاپ كوردى.
جاعاجاي ايماعى، جاياۋ جۇرگىنشىلەر مارشرۋتتارى جانە بەلسەندى دەمالىس ايماقتارى بار زاماناۋي جاعالاۋدى قۇرۋ جوباسى اۋدانى 47,6 گ ا ۋچاسكەدە ىسكە اسىرىلىپ جاتىر.
بۇگىنگى تاڭدا جاعالاۋ سىزىعىن نىعايتۋ، ينجەنەرلىك جەلىلەردى سالۋ جانە بوگەت سالۋدى قوسا العاندا، نەگىزگى قۇرىلىس جۇمىستارى %80 - عا اياقتالدى. قازىر جابىندى توسەۋ، شاعىن ساۋلەت پىشىندەرىن ورناتۋ جانە اۋماقتى كوگالداندىرۋ جۇمىستارى ىستەلىپ جاتىر.
جۇمىس ساپارى بارىسىندا اكىم تروتۋار بولىگىن اباتتاندىرۋ بويىنشا ەسكەرتۋلەر بەردى: پليتكالاردى توسەۋ جوبالىق بەلگىلەر مەن قۇرىلىس ستاندارتتارى بويىنشا تەگىس جانە جايلى ءارى قاۋىپسىز جاسالىپ، قالالىق ورتانىڭ تالاپتارىنا ساي ورىندالۋى ءتيىس ەكەنى جونىندە ەسكەرتتى. سونداي-اق ىرگەلەس اۋماقتاعى اعاشتارعا كاسىبي ورمان-پاتولوگيالىق زەرتتەۋ جۇرگىزۋ جانە اباتتاندىرۋدىڭ ءبىرىڭعاي لاندشافتتىق تۇجىرىمداماسى اياسىندا جاڭا كوشەتتەر وتىرعىزۋدى قامتاماسىز ەتۋ تاپسىرىلدى.
جول بەرىلگەن زاڭ بۇزۋعا بايلانىستى ەربولات دوسايەۆ تەحنيكالىق قاداعالاۋدى جۇزەگە اسىراتىن «Рremier Expert» ج ش س كومپانياسىمەن شارتتى بۇزۋدى تاپسىردى. مەردىگەر ۇيىمدارعا جۇمىستاردىڭ ورىندالۋ مەرزىمدەرى مەن ساپاسىنا باقىلاۋدى كۇشەيتۋ قاتاڭ كورسەتىلدى. جاۋاپتى ۆەدومستۆولارعا بارلىق جۇمىستىڭ اياقتاۋ مەرزىمى - 2025 -جىلدىڭ مامىر ايىنىڭ سوڭىنا دەيىن بەلگىلەندى. جوبا مەرزىم مەن جوعارى ساپا ستاندارتتارى قاتاڭ ساقتالعان جاعدايدا عانا قابىلدانادى. سونداي-اق، الماتى قالاسىنىڭ قوعامدىق كەڭىستىكتەردى دامىتۋ باسقارماسىنا ەسكەرتۋلەر مەن ناقتى تاپسىرمالار بەرىلدى. جوبانىڭ ىسكە اسىرىلۋ بارىسىن باقىلاۋ اكىمنىڭ جەكە باقىلاۋىندا بولادى.
ەسكە سالساق، سايران سۋ قويماسىن رەكونسترۋكسيالاۋ 2024 -جىلدىڭ اقپان ايىندا باستالعان بولاتىن. جۇمىس اياقتالعاننان كەيىن الماتىلىقتار قالا ورتالىعىندا بىرەگەي رەكرەاتسيالىق كەڭىستىك الادى. جاڭارتىلعان جاعالاۋ كولدىڭ ەكى اۋماعىن ۇزىندىعى 2,5 ك م بولاتىن ءبىرىڭعاي سەرۋەندەۋ ايماعىنا قوسادى. جوبا بويىنشا الاڭدا ورىندىقتار، لوتوس بار سۋ قويماسىنىڭ جانىنداعى پەرگولالار، فۋدكورتتار، سكەيتپارك، فۋتبول الاڭى، پاركۋر الاڭدارى، روللەر، ۆەلوپارك، بالالار قالاشىعى، يتتەردى سەرۋەندەتۋگە ارنالعان ايماق، قوعامدىق دارەتحانالار جانە تاۋلىك بويعى بەينەباقىلاۋ جۇيەسى پايدا بولادى. ەكى پوليتسيا بەكەتى مەن ەكى قۇتقارۋ بەكەتى سالىنادى.
1971 -جىلدان بەرى العاش رەت سايران ناعىز وزگەرىستى باستان وتكەرىپ جاتىر. بۇل اۋماقتىڭ بۇكىل كەزەڭىندەگى العاشقى كەشەندى جاڭارۋى. 2023 -جىلى 50 جىلدا العاش رەت سۋ قويماسىنىڭ ءتۇبى تازارتىلىپ، 140 مىڭ تەكشە مەتردەن استام لاي جانە 28 توننا تۇرمىستىق قوقىس سىرتقا شىعارىلدى.
