ەربولات دوسايەۆ الماتى قالاسىنىڭ اكىمى قىزمەتىنەن كەتتى

استانا. KAZINFORM - مەملەكەت باسشىسىنىڭ جارلىعىمەن ەربولات دوسايەۆ الماتى قالاسىنىڭ اكىمى لاۋازىمىنان بوساتىلدى. بۇل تۋرالى اقوردانىڭ باسپا ءسوز قىزمەتى مالىمدەدى.

- مەملەكەت باسشىسىنىڭ جارلىعىمەن ەربولات اسقاربەك ۇلى دوسايەۆ الماتى قالاسىنىڭ اكىمى لاۋازىمىنان بوساتىلدى، - دەلىنگەن حابارلامادا.

ايتا كەتەيىك، ەربولات دوسايەۆ بۇل قىزمەتكە 2022 -جىلى تاعايىندالدى.

ەربولات دوسايەۆ 1970 -جىلى 21-مامىردا الماتى قالاسىندا تۋعان.

ءبىلىمى:

1993 ج. - الماتى ەنەرگەتيكالىق ينستيتۋتىن، باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتىن بىتىرگەن.

ەڭبەك جولى:

1993-1994 ج ج. - «ىسكەر» م ا ءو ق مەنەدجەرى، «ۆەگا» ش ك ديرەكتورىنىڭ ورىنباسارى.

1994-1996 ج ج. - «اكسەپت» فيرماسى» ج ش س ديرەكتورىنىڭ ورىنباسارى، ديرەكتورى.

1996-1997 ج ج. - «اكسەپت» كورپوراتسياسى» ج ا ق ديرەكتورى، ءبىرىنشى ۆيتسە-پرەزيدەنتى، باس ديرەكتورى، «تۇران الەم بانكى» ج ا ق باسقارما ءتوراعاسىنىڭ ورىنباسارى.

1997 -جىلدىڭ تامىزى - 1998 -جىلدىڭ ناۋرىزى - «الماتى ساۋدا- قارجى بانكى» ج ا ق باسقارما ءتوراعاسى.

1998 -جىلدىڭ ناۋرىزى- شىلدەسى - قازاقستان پرەمەر-ءمينيسترى كەڭەسشىسى.

1999-2001 ج ج. - قازاقستان قۇندى قاعازدار بويىنشا ۇلتتىق كوميسياسى مۇشەسى.

1998-2000 ج ج. - قازاقستان ەنەرگەتيكا، يندۋستريا جانە ساۋدا ۆيتسە- ءمينيسترى.

2000-2001 ج ج. - قازاقستان رەسپۋبليكاسى قارجى ۆيتسە- ءمينيسترى.

2001-2002 ج ج. - قازاقستان رەسپۋبليكاسى تابيعي مونوپوليالار، باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ ءتوراعاسى.

2003-2004 ج ج. - قازاقستان رەسپۋبليكاسىنىڭ قارجى ءمينيسترى؛ قازاقستانداعى ەۋروپالىق قايتا قۇرۋ جانە دامۋ بانكىنىڭ باسقارۋشىسى؛ قازاقستان رەسپۋبليكاسى ۇلتتىق بانكىنىڭ باسقارما مۇشەسى.

2004-2006 ج ج. - قازاقستان رەسپۋبليكاسىنىڭ دەنساۋلىق ساقتاۋ ءمينيسترى.

2012-2013 ج ج. - قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى.

2013-2014 ج ج. - قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ءمينيسترى.

2014-2016 ج ج. - قازاقستان رەسپۋبليكاسىنىڭ ۇلتتىق ەكونوميكا ءمينيسترى.

2016 -جىلدىڭ شىلدەسى - 2017 -جىلدىڭ تامىزى - «بايتەرەك» ۇ ب ح باسقارماسىنىڭ ءتوراعاسى.

2017 -جىلدىڭ 29-تامىزى - 2019 -جىلدىڭ 25-اقپانى - قازاقستان رەسپۋبليكاسى پرەمەر- ءمينيسترىنىڭ ورىنباسارى.

2019 -جىلدىڭ 26-اقپانىنان قازاقستان ۇلتتىق بانكى ءتوراعاسى.

2022 -جىلدىڭ 31-قاڭتارىنان الماتى قالاسىنىڭ اكىمى بولدى.