ەربول سادىر اباي وبلىسى اكىمىنىڭ ءبىرىنشى ورىنباسارى بولىپ تاعايىندالدى
سەمەي. KAZINFORM - اباي وبلىسى اكىمىنىڭ ءبىرىنشى ورىنباسارى بولىپ ەربول سادىر تاعايىندالدى.
ەربول ءابىلحايىر ۇلى 1973 -جىلى 23-ناۋرىزدا تۇركىستان وبلىسى سوزاق اۋدانى تاستى اۋىلىندا دۇنيەگە كەلگەن.
1994-جىلى قازاق مەملەكەتتىك باسقارۋ اكادەمياسىن «ەكونوميست» ماماندىعى بويىنشا اياقتاعان.
ءار جىلدارى وڭتۇستىك قازاقستان وبلىسى سوزاق اۋدانى شولاققورعان اۋىلىندا ەكونوميكا ءبولىمىنىڭ باس مامانى، ەكونوميكا جانە شاعىن كاسىپكەرلىكتى قولداۋ ءبولىمىنىڭ مەڭگەرۋشىسى، وڭتۇستىك قازاقستان وبلىسى كاسىپكەرلىكتى قولداۋ باسقارماسى باسشىسىنىڭ ورىنباسارى، ەكونوميكا جانە بيۋدجەتتى جوسپارلاۋ باسقارماسىنىڭ باسشىسى قىزمەتتەرىن اتقارعان.
وڭتۇستىك قازاقستان، تۇركىستان وبلىستارى اكىمىنىڭ ورىنباسارى، شىمكەنت قالاسى اكىمىنىڭ ورىنباسارى، ءبىرىنشى ورىنباسارى بولىپ ەڭبەك ەتتى.
وسى تاعايىنداۋعا دەيىن بيزنەس سالاسىندا جۇمىس ىستەدى.
ەسكە سالساق، بۇعان دەيىن ەرلان تورەگەلديەۆ ورتكە قارسى قىزمەت كوميتەتىنىڭ ءتوراعاسى بولعانى جايلى جازعانبىز.
