ەربول مىرزابوسىنوۆ تۋريزم جانە سپورت ءمينيسترى بولىپ تاعايىندالدى

استانا. KAZINFORM - مەملەكەت باسشىسىنىڭ جارلىعىمەن ەربول قۋانتاي ۇلى مىرزابوسىنوۆ قازاقستان رەسپۋبليكاسىنىڭ تۋريزم جانە سپورت ءمينيسترى لاۋازىمىنا تاعايىندالدى.

ەسكە سالا كەتەيىك، بيىلعى اقپاننان بەرى وسى قىزمەتتى اتقارىپ كەلگەن ەرمەك مارجىقپايەۆ 31-تامىز كۇنى جۇمىستان بوساتىلعان ەدى.

ەربول مىرزابوسىنوۆ 1984 -جىلى شىعىس قازاقستان وبلىسىندا دۇنيەگە كەلگەن.

سەمەي مەملەكەتتىك پەداگوگيكالىق ينستيتۋتىن، قازاق گۋمانيتارلىق-زاڭ يننوۆاتسيالىق ۋنيۆەرسيتەتىن، قازاق سپورت جانە تۋريزم اكادەمياسىن بىتىرگەن.

ەڭبەك جولىن 2005 -جىلى سەمەي مەملەكەتتىك پەداگوگيكا ينستيتۋتى دەنە شىنىقتىرۋ جانە سپورت تەورياسى مەن ادىستەمەسى كافەدراسىنىڭ اسسيستەنتى، جاتتىقتىرۋشى-وقىتۋشىسى بولىپ باستادى.

2009-2014 -جىلدارى - سەمەي قالاسىنىڭ مەملەكەتتىك پەداگوگيكالىق ينستيتۋتىنىڭ دەنە تاربيەسى كافەدراسىنىڭ وقىتۋشىسى، كەيىن مەڭگەرۋشىسى.

2006-2018 -جىلدارى - شىعىس قازاقستان وبلىستىق بۇقارالىق سپورتتاعى جوعارى سپورت شەبەرلىگى مەكتەبى جاتتىقتىرۋشى-وقىتۋشىسى.

2018-2020 -جىلدارى « قىزىلجار ارلاندارى» سپورت كلۋبىنىڭ ديرەكتورى بولىپ جۇمىس ىستەدى.

2020-2021 -جىلدارى - «Qazaq kuresi» قاۋىمداستىعىنىڭ باسقارۋشى ديرەكتورى.

2021-2023 -جىلدارى دەنە شىنىقتىرۋ جانە بۇقارالىق سپورت اكادەمياسىنىڭ رەكتورى بولدى.

2023 -جىلى اقپاندا مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتىنىڭ ءتوراعاسى بولىپ تاعايىندالدى.