قىزىلوردادا الىپ ءسابي دۇنيەگە كەلدى
قىزىلوردادا سالماعى التى كەلىگە جۋىق الىپ ءسابي دۇنيەگە كەلدى، - دەپ حابارلايدى Massaget.kz ءتىلشىسى.
قىزىلوردا وبلىستىق پەريناتالدىق ورتالىعىنىڭ دارىگەرلەرىنىڭ ايتۋىنشا، بالا 23- قاراشادا دۇنيەگە كەلگەن. بالاعا قاناعات ەسىمى بەرىلدى. تۋعانداعى سالماعى - بەس كەلى 600 گرام، بويى 57 سانتيمەتر بولعان.
«جاڭاقورعان اۋدانىنىڭ 37 جاستاعى تۇرعىنى ايگۇل دۇيسەبايەۆا جۇكتىلىگىنىڭ 42 اپتاسىنان اسقاندا بوساندى. ءسابي وتا - كەسار تىلىگى ارقىلى دۇنيەگە كەلدى. قاناعات - وتباسىنداعى سەگىزىنشى بالا. قازىر انا مەن نارەستەنىڭ جاعداي جاقسى»، - دەدى وبلىستىق پەريناتالدىق ورتالىق باس دارىگەرىنىڭ ەمدەۋ ءبولىمى بويىنشا ورىنباسارى گۇلۆيرا سەيتەنباحوۆا.
دارىگەرلەر بالانىڭ سالماعى ءتورت كيلوگرامنان اسسا ۇلكەن، ال سالماعى بەس كيلوگرامنان اسسا، الىپ بولىپ سانالاتىنىن ايتتى.
«وبلىستىق پەريناتالدىق ورتالىقتا جىل باسىنان بەرى سالماعى ءتورت كەلىدەن اساتىن 1546 ءسابي، سالماعى بەس كەلىدەن اساتىن 38 ءسابي دۇنيەگە كەلگەن. الىپ سالماقپەن دۇنيەگە كەلگەن سابيلەر ەرەكشە كۇتىم مەن سالماقتى باقىلاۋدى قاجەت ەتەدى»، - دەدى ورتالىق دارىگەرلەرى.
ءسابيدىڭ اناسىنىڭ ايتۋىنشا، جاڭا تۋعان ۇل - وتباسىنداعى سەگىزىنشى بالا. بالالاردىڭ ۇلكەنى 15 جاستا، كىشىسى 4 جاستا.
