قىزىلوردا وبلىسىندا ءبىر اۋلەتتىڭ 10 كەلىنى بىرگە داۋىس بەردى
قىزىلوردا. KAZINFORM - قىزىلوردا وبلىسى ارال اۋدانىنا قاراستى اقيرەك اۋىلدىق وكرۋگىندە تۇراتىن ەڭسەپوۆتەر اۋلەتىنىڭ 10 كەلىنى ءبىر مەزەتتە رەفەرەندۋم ۋچاسكەسىنە بارىپ، داۋىس بەردى.
ەل بولاشاعى ءۇشىن ماڭىزدى كۇندە بىرلىكتىڭ ۇلگىسىن كورسەتكەن اۋلەتتىڭ كەلىندەرى ءوز تاڭداۋىن جاسادى.
ساياسي ناۋقاندا ەرەكشە بەلسەندىلىك تانىتقان جاندارعا ارنايى سىيلىق تابىستالدى.
«بۇگىن - ەل ومىرىندە ماڭىزدى كۇن. رەسپۋبليكالىق رەفەرەندۋمدا ءوز تاڭداۋىن جاساعان كوپشىلىكتىڭ سانى از ەمەس. ارال اۋدانىنىڭ جىراقتا جاتقان اقيرەك اۋىلدىق وكرۋگىنىڭ تۇرعىندارى دا وعان بەلسەندى قاتىسىپ جاتىر. ءبىز دە ءوز تاڭداۋىمىزدى جاساۋعا ارنايى كەلدىك»، - دەيدى ولار.
اۋلەتتىڭ ەڭ ۇلكەن كەلىنى 89 جاستاعى اپا ايدىنكۇل ەڭسەپوۆا بولسا، ول كىسىنىڭ تۇڭعىش كەلىنى كۇلزيپاش ەڭسەپوۆانىڭ جاسى 66 عا تولعان. ال داۋىس بەرۋگە ولاردىڭ 19 جاستاعى كەلىنى دە كەلدى.
ەسكە سالساق، بۇدان بۇرىن رەسپۋبليكالىق رەفرەندۋم اياسىندا قىزىلوردا وبلىسى قارماقشى اۋدانى داۋىلكول اۋىلدىق وكرۋگىندەگى № 109 سايلاۋ ۋچاسكەسىندە اقىن- جىراۋلار داۋىس بەردى.
