قىزىلوردا وبلىسىندا ادام ۇرلاپ، مۇلكىن تارتىپ الۋمەن اينالىسقان قىلمىستىق توپ ۇستالدى

قىزىلوردا. KAZINFORM - مامىر ايىندا قىزىلوردا قالاسىندا ىشكى ىستەر جانە ۇلتتىق قاۋىپسىزدىك كوميتەتى، باس پروكۋراتۋرانىڭ ۇيلەستىرۋىمەن ايماقتاعى قىلمىستىق توپتىڭ جەتەكشىسى مەن مۇشەلەرىن ۇستاۋ بويىنشا ارنايى وپەراتسيا جۇرگىزدى، - دەپ حابارلايدى Polisia.kz.

- ۇستاۋدىڭ الدىندا ولارعا قاتىستى ۇزاق مەرزىمدى جەدەل ىزدەستىرۋ شارالارى جۇرگىزىلگەن. كۇدىكتىلەردىڭ قىلمىستىق ارەكەتتەرىن دالەلدەۋ ولاردىڭ كريمينالدىق بايلانىستارىنىڭ كوپ بولۋىمەن قيىنعا سوقتى. بارلىق فاكتى بويىنشا تەكسەرۋ جۇرگىزىلۋدە. توپ مۇشەلەرى ءوز ماقساتتارىن ىسكە اسىرۋ ءۇشىن ادامداردى ۇرلاپ اكەتىپ، مۇلكىن تارتىپ الىپ، قىلمىستىق قاقتىعىستارعا قاتىسقان.

سونداي- اق ولاردىڭ ويىن- ساۋىق مەكەمەلەرىنە قىلمىستىق قامقورلىق كورسەتۋگە، قۇرىلىس جانە اۋىل شارۋاشىلىعى سالاسىندا بوپسالاۋلارعا قاتىسى تەكسەرىلۋدە. توپتىڭ نەگىزگى مۇشەلەرى قاماۋعا الىندى. اتىس جانە تراۆماتيكالىق قارۋ، ءىرى مولشەردە قاراجات تاركىلەندى. تەرگەۋ قىلمىستىق كودەكستىڭ بىرنەشە بابى بويىنشا جۇرگىزىلۋدە، - دەدى ءى ءى م ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.

اۆتور

ايدار وسپاناليەۆ