قىزىلشاعا كۇدىكپەن 300 گە جۋىق ستۋدەنت مەديتسينالىق كومەككە جۇگىندى
ۇكىمەت ۇيىندە ج و و مەن مەكتەپتەردەگى قىزىلشانىڭ تارالۋ كورسەتكىشى ايتىلدى، دەپ حابارلايدى Kazinform.
«بۇگىندە جوعارى وقۋ ورىندارىنىڭ 8 مىڭعا جۋىق ستۋدەنتى مەديتسينالىق كومەككە جۇگىندى ولاردىڭ 200-300 گە جۋىعى قىزىلشاعا كۇدىكپەن جۇگىندى. ءبىز دەنساۋلىق ساقتاۋ مينيسترلىگىمەن، باس دارىگەرىمىزبەن تىكەلەي بايلانىستامىز. ازىرگە ەپيدەميولوگيالىق جاعدايعا سەبەپ جوق. ءبىز احۋالدى باقىلاپ وتىرمىز. جرۆي بويىنشا ماسەلە بار، ءبىراق قىزىلشا وتە از»، - دەدى عىلىم جانە جوعارى ءبىلىم ءمينيسترى ساياسات نۇربەك ۇكىمەت ۇيىندە وتكەن باسپا ءسوز ءماسليحاتىندا.
ال وقۋ-اعارتۋ ءمينيسترى عاني بەيسەمبايەۆتىڭ ايتۋىنشا، ۆەدومستۆو قىزىلشانىڭ تارالۋىنا مونيتورينگ جۇرگىزىپ وتىر.
«ازىرگە دەنساۋلىق ساقتاۋ مينيسترلىگى تاراپىنان بۇل باعىتتا ناقتى شەشىمدەر جوق. اتالعان ۆەدومستۆومەن بايلانىستا بولامىز»، - دەپ تولىقتىردى مينيستر.
