قىز الىپ قاشقاندارعا 5 جىلعا دەيىن باس بوستاندىعىنان ايىرۋ جازاسى ۇسىنىلدى

استانا. KAZINFORM - قازاقستاندا قىز الىپ قاشۋ ارەكەتى ءۇشىن 5 جىلعا دەيىن باس بوستاندىعىنان ايىرۋ ۇسىنىسى جاسالدى. ءتيىستى تۇزەتۋ جۇمىس توبىندا تالقىلانىپ جاتىر. بۇل تۋرالى ءماجىلىس دەپۋتاتى مۇرات ابەنوۆ ايتتى.

Сотқа дейінгі тергеп-тексеру басталды
فوتو: Kazinform

- ءتيىستى تۇزەتۋدى ۇسىندىم. قازىر ول قىلمىستىق كودەكستى وڭتايلاندىرۋ جونىندەگى جۇمىس توبىندا قارالىپ جاتىر. جاۋاپكەرشىلىكتىڭ ءارتۇرلى دارەجەسىن، ونىڭ ىشىندە قىلمىستىق جاۋاپكەرشىلىك تە بار. ماسەلەن، باس بوستاندىعىنان ايىرۋ، ايىپپۇلدار، قوعامدىق جۇمىستار قاراستىرىلدى.

مۇنىڭ ءبارى جاعدايعا بايلانىستى سارالانادى. كامەلەتكە تولماعان ادامعا قاتىستى ءبىر توپ ادامنىڭ ارەكەتى انىقتالسا، قانداي دا ءبىر زيان كەلتىرىلسە، ءتيىستى جاۋاپكەرشىلىك ۇسىنىلىپ جاتىر، - دەدى م. ابەنوۆ پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، 3 جىلدان 5 جىلعا دەيىن باس بوستاندىعىنان ايىرۋ تۇرىندەگى قىلمىستىق جاۋاپكەرشىلىكتى ەنگىزۋ ۇسىندى.

«بۇل رەتتە بىرەۋدى ءوز ەركىنە قارسى الىپ قاشىپ، ۇيىندە ۇستاۋ، پسيحولوگيالىق جانە فيزيكالىق قىسىم كورسەتسە، زاڭ جابىرلەنگەن ادام جاعىندا بولۋى كەرەك»، - دەدى دەپۋتات.

بۇعان دەيىن ءى ءى م قىز الىپ قاشۋ قىلمىستارىنىڭ ستاتيستيكاسىن جەكە جۇرگىزەتىنىن حابارلادى.

اۆتور

رۋسلان عابباسوۆ

سوڭعى جاڭالىقتار