قىتايدىڭ لياويان قالاسىنداعى ورتتەن 22 ادام قازا بولدى
استانا. KAZINFORM - جەرگىلىكتى ۋاقىت بويىنشا 29 -ءساۋىر كۇنى ساعات 12:25-تە قىتايدىڭ لياويان قالاسىنىڭ بايتا اۋدانى سانليچجۋان ەلدى مەكەنىندەگى ءدامحاناردىڭ بىرىنەن ءورت شىققان.
Global Times باسىلىمىنىڭ حابارلاۋىنشا، ساعات 14:00-دەگى مالىمەت بويىنشا، ءورت سالدارىنان 22 ادام قازا تاۋىپ، 3 ادام جاراقات العان.
The Paper اقپاراتتىق پورتالىنىڭ حابارلاۋىنشا، ق ح ر ءتوراعاسى شي جينپيڭ بايتا اۋدانىنداعى ورتكە بايلانىستى ماڭىزدى نۇسقاۋ بەرىپ، جارالانعان ادامدارعا بارىنشا مەديتسينالىق كومەك كورسەتۋ، قازا تاپقانداردىڭ وتباسىنا جان- جاقتى جاردەم بەرۋ جانە ءىرى اپاتتاردىڭ الدىن الۋ ءۇشىن قاتاڭ شارالار قابىلداۋ قاجەتتىگىن اتاپ وتكەن.
شينحۋا اگەنتتىگى ق ك پ باس حاتشىسى، ق ح ر ءتوراعاسى شي جينپيڭنىڭ بۇگىن جۇمىس ساپارىمەن شاڭحايدا جۇرگەنىن حابارلادى.
اۆتور
ەرلان مازان
