قىتايدىڭ ج ءى ءو ءوسۋ قارقىنى 2025-جىلى شامامەن 5 پايىز

استانا. KAZINFORM - قىتايدىڭ جالپى ىشكى ءونىمىنىڭ ءوسۋ قارقىنى بيىل 5 پايىز شاماسىندا بولادى دەپ جوسپارلانىپ وتىر.

بۇل تۋرالى سارسەنبى كۇنى ەلدىڭ جوعارى زاڭ شىعارۋشى ورگانىنىڭ جىل سايىنعى سەسسياسىنىڭ اشىلۋىندا قىتاي ۇكىمەتىنىڭ بايانداماسىندا ايتىلعان، دەپ حابارلايدى Kazinform مەنشىكتى ءتىلشىسى.

جۇمىسسىزدىق دەڭگەيى 5,5 پايىز دەڭگەيىندە ساقتالىپ، 12 ميلليوننان استام جاڭا جۇمىس ورنىن قۇرۋ جوسپارلانعان. تۇتىنۋ باعالارىنىڭ يندەكسى (ينفلياتسيا) شامامەن %2 عا وسەدى دەپ كۇتىلىپ وتىر. استىق ءوندىرۋ كولەمى 700 ميلليون توننا شاماسىندا ساقتالادى.

قىتاي ۇكىمەتى نەعۇرلىم بەلسەندى بيۋدجەت ساياساتىن جۇرگىزۋدى كوزدەپ وتىر.

بيۋدجەت تاپشىلىعىنىڭ ج ءى ءو- گە قاتىناسى شامامەن 4 پايىز بولىپ، وتكەن جىلمەن سالىستىرعاندا 1 پايىزدىق پۋنكتكە جوعارى، ال جالپى تاپشىلىق كولەمى 5,66 تريلليون يۋان بولىپ، وتكەن جىلعىدان 1,6 تريلليون يۋان كوپ بولادى دەپ جوسپارلانىپ وتىر.

قىتايدىڭ بۇكىل قىتايلىق حالىق وكىلدەرى جينالىسى (ب ح ءو ج، پارلامەنت) 5-ناۋرىزدا جىل سايىنعى سەسسياسىن باستادى. اشىلۋ سالتاناتى بەيجىڭدەگى تيانانمەن الاڭىنداعى حالىق جينالىسى زالىندا ءوتتى.

بۇعان دەيىن 2025 -جىلدىڭ 5-ناۋرىزىندا بەيجىڭدە 14-شاقىرىلىمداعى بۇكىل قىتايلىق حالىق وكىلدەرى جينالىسىنىڭ ءۇشىنشى سەسسياسى جۇمىسىن باستايتىنىن جازعان بولاتىنبىز.