قىتايدىڭ شينجاڭ اۆتونومياسىمەن الىس-بەرىس 50 پايىزعا ارتتى

استانا. قازاقپارات - 2024 -جىلدىڭ قاڭتار- مامىر ايلارىندا قازاقستان مەن قىتاي اراسىنداعى تاۋار اينالىمى %6,6 عا ءوسىپ، 11,4 ميلليارد  دوللارعا جەتتى. ەلدىڭ قازاقستاننىڭ جالپى تاۋار اينالىمىنداعى ۇلەسى %20 دەڭگەيىندە قالىپ وتىر، دەپ حابارلايدى Ulysmedia.kz.

قىتاي پروۆينتسيالارىمەن بايلانىس

پرەمەر-ءمينيستردىڭ باسپا ءسوز قىزمەتىنىڭ حابارلاۋىنشا، قاڭتار- مامىر ايلارىندا قازاقستاننان قىتايعا ەكسپورت %19,1 عا ءوسىپ، 5,7 ميلليارد دوللارعا جەتتى.

باسپا ءسوز حابارلاماسىندا سونداي-اق قازاقستان قىتايعا ەكسپورتتى 2,5 ەسەگە ارتتىرىپ، ونى 12 ميلليار دوللارعا جەتكىزۋگە دايىندالىپ جاتقانى ايتىلعان.

وتكەن جىلدىڭ وسى كەزەڭىمەن سالىستىرعاندا ش ۇ ا ا- مەن ساۋدا %50 عا، ونىڭ ىشىندە ەكسپورت %35,3 عا وسكەن. سىچۋان پروۆينتسياسىنا قازاقستاندىق تاۋارلار ەكسپورتى شامامەن %30 عا ءوستى. جياڭسۋ پروۆينتسياسىنا وتاندىق ونىمدەر جەتكىزۋ 10 ەسەدەن استام ءوستى.

العاشقى 5 ايداعى سىرتقى ساۋدانىڭ جالپى كولەمى 55 ميلليارد دوللاردان استى. نەگىزگى ساۋدا سەرىكتەستەرىنىڭ ۇشتىگىنە ءالى دە قىتاي، رەسەي جانە ەۋروپالىق وداق كىرەدى.

قازاقستان ەكسپورتى

وسى كەزەڭدە قازاقستاننىڭ ەكسپورتى %1,8- عا ءوسىپ، 32,5 ميلليارد دوللارعا جەتتى. شيكىزاتتىق ەمەس تاۋارلار مەن قىزمەتتەر ەكسپورتى 13 ميلليارد دوللاردان استى، ونىڭ 10,5 ميلليارد دوللارى شەتەلگە دايىن ءونىم جەتكىزۋگە تيەسىلى.

ەكسپورتتىڭ وسۋىنە ءتۇستى مەتالدار مەن كۇنباعىس مايىنا دەگەن جوعارى سۇرانىس اسەر ەتتى. قازاقستاندىق قىزمەتتەر ەكسپورتى دا وڭ ديناميكا كورسەتۋدە.