قىتايدىڭ ش ى ۇ ەلدەرىنە ءوز نارىعىن كەڭىرەك اشۋ نيەتىن قۇپتايمىز - مەملەكەت باسشىسى
استانا. KAZINFORM - پرەزيدەنت قاسىم- جومارت توقايەۆ شاڭحاي ىنتىماقتاستىق ۇيىمىنىڭ سامميتى اياسىندا ءوتىپ جاتقان «ش ى ۇ+» كەزدەسۋىندە ازيانىڭ دامۋىندا ش ى ۇ- نىڭ ءرولى ارتقانىن ايتتى.
«تاعى ءبىر باسىم باعىت - ساۋدا-ەكونوميكالىق بايلانىستاردى كۇشەيتۋ. سانكتسيالىق قاقتىعىستار الەم ەكونوميكاسىنا ەلەۋلى زارداپ تيگىزىپ، كەلەشەك دامۋدىڭ كوكجيەگىن شەكتەپ جاتىر. مۇنداي جاعدايدا بىزگە ءوزارا ساۋدا-ەكونوميكالىق ءىس- قيمىلدىڭ الدەقايدا يكەمدى، جاعىمدى ديناميكا مەن الەۋەتتى ارتتىرۋعا باعىتتالعان ستراتەگياسىن جولعا قويۋ كەرەك»، - دەدى پرەزيدەنت.
قاسىم-جومارت توقايەۆ ازيا قۇرلىعىنىڭ قازىرگى دامۋى كوپ جاعدايدا ش ى ۇ- نىڭ جۇمىسىمەن بايلانىستى ەكەنىن ايتتى.
«ش ى ۇ ەلدەرىنىڭ جاھاندىق جالپى ىشكى ونىمدەگى ۇلەسى %30 عا جەتىپ وتىر. ۇيىمداعى ەلدەردىڭ سىرتقى ساۋدا كولەمى 8 تريلليون دوللاردان اسىپ وتىر. بۇل بۇكىل الەمدەگى ساۋدانىڭ تورتتەن ءبىر بولىگىنە تەڭ. ازياداعى جاڭا تاريحي ەكونوميكالىق ءوسىم كوپ جاعدايدا ش ى ۇ ارقاسىندا بولىپ جاتقانىن، بۇكىل جاھانداعى ەكونوميكانى تۇراقتاندىرۋشى فاكتور بولىپ وتىرعانىن ايتقىم كەلەدى. قازاقستان قىتايدىڭ ش ى ۇ ەلدەرىنە ءوزىنىڭ اۋقىمدى نارىعىنا كەڭىرەك جول اشىپ، تاۋار اينالىمىن 3 تريلليون دوللارعا دەيىن جەتكىزۋ نيەتىن قۇپتايدى»، - دەدى مەملەكەت باسشىسى.
