قىتايدى اپتاپ ىستىق بۋىپ تۇر

استانا. KAZINFORM - قىتايدىڭ ءبىرقاتار وڭىرىندە اپتاپ ىستىق بولىپ تۇر. قىتايدىڭ ۇلتتىق مەتەورولوگيالىق ورتالىعى وسى اپتادا ەلدە تىركەلگەن قاۋىپتى اپتاپ اۋا رايىنا بايلانىستى جوعارى تەمپەراتۋرانى ەسكەرتۋدىڭ «سارى» دەڭگەيىن ەنگىزدى.

ورتالىق دەرەگىنە سايكەس، جۇما كۇنى كۇندىز شانشي، حىبي، شاندۋڭ، حىنان، انحوي، جياڭسۋ، حۋبي، حۋنان، حاينان ولكەلەرىنىڭ ءبىرقاتار اۋدانىندا جانە سىچۋاني باسسەيندە اۋا تەمپەراتۋراسى سەلسي باعانى بويىنشا 35-36 گرادۋسقا جەتەدى.

ال شىنجاڭ، شەنسي، شاندۋڭ، حىنان، انحوي، جياڭسۋ، حۋبي جانە چۋڭشيڭدە 37 دەن 39 گرادۋسقا دەيىن ەڭ جوعارى تەمپەراتۋرا تىركەلەتىندىگى بولجانىپ وتىر. كەيبىر اۋداندا اۋا تەمپەراتۋراسى 40 گرادۋسقا دا جەتۋى ىقتيمال.

جەرگىلىكتى ب ا ق- تىڭ جازۋىنشا، اپتاپ ىستىق پەن قۇرعاقشىلىق قىتايدىڭ ءبىرقاتار اۋدانىندا اۋىل شارۋاشىلىعى داقىلدارىنىڭ ونىمدىلىگىنە كەرى اسەرىن تيگىزەدى. ال حىنان مەن انحوي سىندى ولكەلەر سۋ تاپشىلىعىنا تاپ بولىپ وتىر.

قىتايدا جوعارى تەمپەراتۋرانى ەسكەرتۋدىڭ ءۇش دەڭگەيلى جۇيەسى قولدانىستا. قىزىل-وتە قاۋىپتى ەسكەرتۋ دەگەندى بىلدىرەدى، ودان كەيىن قىزعىلت سارى جانە سارى ەسكەرتۋ بار.