قىتايدىڭ التىن قورى شامامەن 230 ميلليارد دوللارعا جەتتى
استانا. KAZINFORM - قىتاي حالىق بانكى (ق ح ب، ورتالىق بانك) ناۋرىزدا التىن قورىن 90 مىڭ ۋنتسياعا، 73,7 ميلليون دەيىن ارتتىردى. بۇل تۋرالى قىتايدىڭ ورتالىق بانكى مالىمدەدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
قۇندىق مانىندە قىتايدىڭ التىن قورى 21 ميلليارد دوللارعا ءوسىپ، 229,6 ميلليارد دوللارعا جەتتى.
2024 -جىلدىڭ قاراشاسى مەن بيىلعى ناۋرىز ارالىعىندا قىتاي 900 مىڭ ۋنتسيا التىن قوستى. قىتايدىڭ التىن قورى وسىعان دەيىنگى التى اي ىشىندە وزگەرىسسىز قالعان ەدى.
ق ح ب مەملەكەتتىك ۆاليۋتالىق باقىلاۋىنىڭ حابارلاماسىنا سايكەس، 2025 -جىلدىڭ ناۋرىز ايىندا قىتايدىڭ ۆاليۋتالىق قورى 3,24 تريلليون دوللارعا جەتتى. بۇل وسى جىلدىڭ اقپان ايىنداعى كورسەتكىشتەرىمەن سالىستىرعاندا 13,4 ميلليارد دوللارعا ءوستى.
بۇعان دەيىن ا ق ش پرەزيدەنتى دونالد ترامپ قىتاي ا ق ش تاۋارلارىنا سالىنعان %34 باج سالىعىن الىپ تاستاماسا، 9-ساۋىردەن باستاپ قىتايدان اكەلىنەتىن ونىمدەرگە %50 قوسىمشا باج سالىعىن ەنگىزەتىنىن مالىمدەدى.
